(Padang, ឥណ្ឌូណេស៊ី)៖ អាជ្ញាធរគ្រប់គ្រងគ្រោះមហន្តរាយឥណ្ឌូណេស៊ី បានឱ្យដឹងថាទឹកជំនន់ និងបំណាក់ដីបានសម្លាប់ជីវិតមនុស្សកើនលើស ២០០នាក់ហើយ ខណៈ ជាច្រើននាក់ផ្សេងទៀតកំពុងបាត់ខ្លួននៅឡើយ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃសៅរ៍ ទី២៩ ខែវិច្ឆិកា។

អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយនៃតំបន់ខេត្តស៊ូម៉ាត្រខាងលិច បានបញ្ជាក់ថាគិតត្រឹមយប់ថ្ងៃសុក្រម្សិលមិញ មានមនុស្ស ៦២នាក់ត្រូវបានរាយការណ៍ថា បានស្លាប់ ហើយ៩០នាក់ទៀតបានបាត់ខ្លួន។

ចំណែក នៅខេត្តស៊ូម៉ាត្រាខាងជើងវិញ មានមនុស្ស១១៦នាក់បានស្លាប់ ខណៈនៅខេត្ត Aceh ចំនួនអ្នកស្លាប់កើនដល់យ៉ាងហោច ៣៥នាក់៕