(ព្រីតូរីយ៉ា)៖ យ៉ាងហោចណាស់មនុស្ស ១១នាក់ត្រូវបានសម្លាប់ នាថ្ងៃសៅរ៍ ទី៦ ខែធ្នូ នេះ ដែលរួមមានទាំងក្មេងប្រុសអាយុ ៣ឆ្នាំម្នាក់ បន្ទាប់ពីការបាញ់ប្រហារដោយកាំភ្លើង នៅបារខុសច្បាប់មួយកន្លែង ក្នុងទីក្រុង Pretoria ប្រទេសអាហ្វ្រិកខាងត្បូង ហេីយប៉ូលិស កំពុងតាមប្រមាញ់ចាប់ជនសង្ស័យ ៣នាក់។ នេះបេីយោងតាមកា រចេញផ្សាយដោយទីភ្នាក់ងារសារព័ត៌មាន Reuters។

មនុស្ស ១៤នាក់ផ្សេងទៀត បានរងរបួសក្នុងអំឡុងឧប្បត្តិហេតុដែលកេីតឡេីងនៅ ក្នុង សង្កាត់ Salsville។ ទីភ្នាក់ងារប៉ូលិសអាហ្រ្វិកខាងត្បូង បាននិយាយថា អនីតិជន ៣នាក់ស្ថិតក្នុងចំណោមអ្នកស្លាប់ ដែលរួមមានក្មេងប្រុសអាយុ ៣ និង ១២ឆ្នាំ និងក្មេងស្រីជំទង់អាយុ ១៦ឆ្នាំម្នាក់។

គួរបញ្ជាក់ថា អាហ្រ្វិកខាងត្បូង មានអត្រាឃាតកម្មខ្ពស់បំផុតមួយក្នុងពិភពលោក ដែលជាមធ្យមប្រហែល ៦០ករណីក្នុងមួយថ្ងៃ៕