(PALLEPOLA)៖ ភក់ និងខ្សាច់ បានបាចសាចលើដំណាំស្រូវ នៅទូទាំងតំបន់ Kalanchi Dewage Risman ទំហំ ២ហិកតា ដែលទើបតែចេញពន្លកពណ៌បៃតង មុនពេលស្រីលង្ការងគ្រោះដោយព្យុះស៉ីក្លូន Ditwah ជាហេតុធ្វើឱ្យកសិករ ជួបការលំបាក។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី១៩​ ខែធ្នូ ឆ្នាំ ២០២៥។

កសិករម្នាក់ដែលរកប្រាក់ចិញ្ចិមជីវិតដោយការធ្វើស្រែ និងមានប្រពន្ធ កូន ២នាក់ ព្រមទាំងមានបំណុលផងនោះ បាននិយាយថា «ខ្ញុំ​ត្រូវ​សម្អាត​ភក់ ហើយភ្ជួរ រួចស្ទូងម្ដង​ទៀត។ វា​មកដក់ពាក់កណ្តាល​ខែ​ធ្នូ​ហើយ ហើយ​ស្រូវ​ដែល​ដាំ​នាចុងរដូវ ​​នឹង​មិន​មានទិន្ន​ផល​ល្អ​ទេ​»​។

ការដាំដុះស្រូវឡើងវិញ គឺជាកិច្ចការដ៏គួរឱ្យភ័យខ្លាចមួយ បន្ទាប់ពីព្យុះ Ditwah បានជន់លិចដំណាំលើផ្ទៃដី ៥៣៥ ០០០ហិកតា ខណៈទិន្នន័យរដ្ឋាភិបាលបង្ហាញថា ជាង ១២០​ ០០០ហិកតា ត្រូវទឹកជំនន់បំផ្លាញ ឬកប់ក្រោមភក់ និងខ្សាច់។ ព្យុះ Ditwah បានវាយប្រហារតំបន់ដាំដុះសំខាន់ៗ ដូចជាដំណាំស្រូវ បន្លែ និងពោត ដែលពលរដ្ឋធ្វើស្រែចម្ការជិត ១.៨លាននាក់គ្រួសារ កាលពីខែវិច្ឆិកា ដោយបានសម្លាប់មនុស្ស ៦៤៣នាក់៕