(វ៉ាស៉ីនតោន)៖ ក្រសួងហិរញ្ញវត្ថុអាមេរិក បានបន្ថែមថា បុគ្គល ១០នាក់ ក៏ដូចជាក្រុមហ៊ុនមានមូលដ្ឋាននៅអ៉ីរ៉ង់ និងវ៉េណេស៊ុយអេឡា ទៅក្នុងបញ្ជីដាក់ទណ្ឌកម្មរបស់ខ្លួន ដោយសារតែកម្មវិធីអាវុធរបស់ពួកគេ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃពុធ ទី៣១ ខែធ្នូ ឆ្នាំ ២០២៥។

ក្រសួងហិរញ្ញវត្ថុ បានកត់ឈ្មោះក្រុមហ៊ុន EANSA មានមូលដ្ឋាននៅវ៉េណេស៊ុយអេឡា និងប្រធានក្រុមហ៊ុន លោក Jose Jesus Urdaneta Gonzalez ទៅក្នុងបញ្ជីទណ្ឌកម្ម។ លោក Urdaneta ក្នុងនាម EANSA បានសម្របសម្រួលជាមួយសមាជិក និងអ្នកតំណាងកងកម្លាំងប្រដាប់អាវុធវ៉េណេស៊ុយអេឡា និងអ៉ីរ៉ង់ លើការផលិតដ្រូន នៅក្នុងប្រទេសវ៉េណេស៊ុយអេឡា។

តាមមន្រ្តីជាន់ខ្ពស់ លោក John Hurley ក្រសួងហិរញ្ញវត្ថុ នឹងបន្តចាត់វិធានការដើម្បីទប់ស្កាត់ អ្នកដែលបណ្តោយយោធា-ឧស្សាហកម្មរបស់អ៉ីរ៉ង់ ចូលទៅកាន់ប្រព័ន្ធហិរញ្ញវត្ថុរបស់សហរដ្ឋអាមេរិក៕