(BRASILIA)៖ តុលាការកំពូលប្រេស៉ីល នាថ្ងៃព្រហស្បតិ៍ ទី១ ខែមករា បានបដិសេធសំណើរបស់អតីតប្រធានាធិបតី លោក Jair Bolsonaro ដែលចង់ឱ្យផ្ទេររូបលោកពីពន្ធនាគារ មកឃុំខ្លួនក្នុងផ្ទះវិញ សម្រាប់ការអនុវត្តទោសរៀបចំរដ្ឋប្រហារក្រោយការបោះឆ្នោត។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP។

មេធាវីការពារក្តីលោក Bolsonaro បានដាក់សំណើរទៅកាន់តុលាការកាលពីថ្ងៃពុធ ដោយលើកឡើងពីបញ្ហាសុខភាព លោក Bolsonaro ជាហេតុផលសំអាងលើការអនុវត្តទោស ២៧ឆ្នាំនៅក្នុងផ្ទះ។ ចៅក្រោម លោក Alexandre de Moraes បាននិយាយថា «ផ្ទុយពីការលើកឡើងដោយមេធាវីការពារក្តី ស្ថានភាពសុខភាពរបស់ លោក Bolsonaro មិនអាក្រក់ទៅៗនោះទេ»។

លោក Bolsonaro អាយុ ៧០ឆ្នាំបានសម្រាកនៅមន្ទីរពេទ្យអស់រយៈពេលជាង ១សប្តាហ៍ហើយ បន្ទាប់ពីបានទទួលការវះកាត់ និងព្យាបាលជំងឺហៀរសំបោររ៉ាំរៃ។ តាមគ្រូពេទ្យរបស់លោក លោក Bolsonaro ត្រូវចេញពីមន្ទីរពេទ្យកាលពីថ្ងៃព្រហស្បតិ៍ ហើយត្រឡប់ទៅស្នាក់នៅបន្ទប់តូចមួយនៃប៉ុស្តប៉ូលិសសហព័ន្ធទីក្រុង Brasilia៕