(ណៃពិដោ)៖ យោងតាមប្រព័ន្ធផ្សព្វផ្សាយរដ្ឋមីយ៉ាន់ម៉ា រដ្ឋាភិបាលយោធានឹងដោះលែងអ្នកទោសចំនួន ៦ ១៨៦នាក់ ក្រោមការលើកលែងទោសក្នុងថ្ងៃបុណ្យឯករាជ្យជាតិ មួយសប្តាហ៍បន្ទាប់ពីការបោះឆ្នោតសកលជាដំណាក់កាលៗ បានចាប់ផ្តើមនៅក្នុងប្រទេសនេះ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអាទិត្យ ទី៤ ខែមករា ឆ្នាំ ២០២៦។

ប្រព័ន្ធផ្សព្វផ្សាយ MRTV គ្រប់គ្រងដោយរដ្ឋ បានរាយការណ៍ថា ការលើកលែងទោសដែលមានជនបរទេស ៥២នាក់ផងនោះ គឺជាកាយវិការមនុស្សធម៌ដែលគិតគូរដល់សន្តិភាពផ្លូវចិត្តរបស់សាធារណជន។ ទន្ទឹមនេះរបបសឹក ក៏បានសម្រាលទោសនៅទូទាំងប្រទេស តែមិនរាប់បញ្ចូលអ្នកដែលត្រូវបានកាត់ទោសពីបទឧក្រិដ្ឋធ្ងន់ធ្ងរ ដូចជាឃាតកម្ម ការរំលោភ អំពើភេរវកម្ម អំពើពុករលួយ និងអាវុធ ឬឧក្រិដ្ឋកម្មទាក់ទងនឹងគ្រឿងញៀន។ គេមិនទាន់ច្បាស់ទេថា តើអ្នកជាប់ ឃុំដោយសារបញ្ហានយោបាយនឹងត្រូវ បានដោះលែង ឬ អត់។

ក្រុមសិទិ្ធមនុស្ស បានឱ្យដឹងថា មនុស្សជាង ៣០ ០០០នាក់ត្រូវបានឃុំខ្លួនពីបទចោទប្រកាន់នយោបាយចាប់តាំងពីរដ្ឋប្រហារឆ្នាំ ២០២១ ដែលធ្វេីឱ្យមីយ៉ាន់ម៉ាធ្លាក់ចូលទៅក្នុងភាពចលាចល។ លោកស្រី Aung San Suu Kyi ត្រូវជាប់ពន្ធនាគាររយៈពេល ២៧ឆ្នាំ ដោយសារតែរដ្ឋប្រហារប៉ុន្មានខែបន្ទាប់ពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យរបស់លោកស្រី ទទួលបានជ័យជម្នះភ្លូកទឹកភ្លូកដី ហើយក្រោយមកត្រូវបានរំលាយ៕