(កៀវ)៖ យោធាអ៊ុយក្រែនបាននិយាយថា ការវាយប្រហារតាមអាកាសរបស់រុស្ស៉ីលើទីក្រុងកៀវ នាថ្ងៃចន្ទ ទី៥ ខែមករា បានសម្លាប់ជនស៉ីវិលម្នាក់ ដែលជាករណីស្លាប់ដំបូងគេនៅក្នុងការវាយប្រហារលើរដ្ឋធានីអ៊ុយក្រែន នាដេីមឆ្នាំ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។

ប្រធានរដ្ឋបាលយោធាក្រុងកៀវ លោក Timur Tkachenko បញ្ជាក់ថា មានមនុស្សម្នាក់ស្លាប់ ហេីយការវាយប្រហារកំពុងបន្ត។ រីឯអ្នកផ្សេងទៀតកំពុងត្រូវបានជម្លៀសចេញពីអគារមួយដែលរងការខូចខាត ក្នុងសង្កាត់ Obolonskyi ភាគខាង ជើងក្រុង។ តាមអភិបាលរដ្ឋធានីកៀវ លោក Vitali Klitschko កងកម្លាំងការពារដែនអាកាសកំពុងធ្វេីប្រតិបត្តិការ ហើយអ្នកស្រុកត្រូវបានណែនាំឱ្យស្នាក់នៅក្នុងផ្ទះ។

គួរបញ្ជាក់ថា រុស្ស៉ី​ បានវាយប្រហារម្តងហើយម្តងទៀតនៅទីក្រុងកៀវ និងទីក្រុងផ្សេងទៀតរបស់អ៊ុយក្រែន ដោយមីស៉ីល ដ្រូន អំឡុងសង្គ្រាមជិត ៤ឆ្នាំមកនេះ ហេីយនិយាយថាកំណត់លេីគោលដៅយោធា ប៉ុន្តែអ៊ុយក្រែនអះអាងថាជនស៉ីវិល រួមទាំងហេដ្ឋារចនាសម្ព័ន្ធស៊ីវិល បានរងនូវការវាយប្រហារជាញឹកញាប់៕