ផលិតស្បៀងឱ្យបានច្រើន
07-01-2026 16:58
(ប៉េកាំង)៖ សំណាបស្រូវសាលីចំនួន ៨២ ហិកតា នៃសហករណ៍វិជ្ជាជីវៈដាំដុះកសិកម្មទំនើប Congxiang ក្នុងស្រុក Taihe ខេត្ត Anhui ប្រទេសចិនបានបក់រវីកតាមខ្យល់ត្រជាក់ ពណ៌បៃតងជាប់គ្នាបានបន្ថែមភាពរស់រវើកទៅក្នុងវាលស្រែរដូវរងា។
នៅវេលាម៉ោង ៧ ពេលព្រឹក លោក Xu Congxiang បានចាប់ផ្តើមចុះត្រួតពិនិត្យមើលវាលស្រែជាប្រចាំ។ លោក Xu Congxiang ក្នុងវ័យ ៧២ ឆ្នាំ បានដាំដុះដំណាំស្បៀងអស់រយៈពេលជាង ៥០ ឆ្នាំ និងជាអ្នកដាំដុះដំណាំស្បៀងល្បីឈ្មោះក្នុងតំបន់។ លោកបានប្រាប់អ្នកសារព័ត៌មានថា ការលើកទឹកចិត្តដ៏ខ្លាំងបំផុតក្នុងរយៈពេល ៥០ ឆ្នាំផ្លាយកន្លងទៅ គឺការផ្តែផ្កាំយ៉ាងស្មោះស្ម័គ្រចំនួនពីរលើករបស់អគ្គលេខាធិការលោក Xi Jinping មកកាន់លោក។
នាឆ្នាំ ២០១១ លោក Xi Jinping អតីតអនុប្រធានរដ្ឋចិន បានអញ្ជើញចុះត្រួតពិនិត្យការងារនៅភូមិ Zhanghuai ស្រុក Taihe និងបានឈ្វេងយល់ពីស្ថានភាពដាំដុះស្រូវសាលី ចំពោះលោក Xu Congxiang និងប្រជាកសិករផ្សេងទៀត។ ពេលឮថា វាលស្រែដែលគ្រប់គ្រងដោយលោក Xu Congxiang មានទិន្នផលប្រចាំឆ្នាំរហូតដល់ទៅជាង ១០៥០០គីឡូក្រាមក្នុងមួយហិតកា ដែលច្រើនជាងកម្រិតធម្យម ៣០០០ គីឡូក្រាម លោក Xi Jinping មានទឹកចិត្តសប្បាយរីករាយណាស់។ លោកបានលើកទឹកចិត្ត Xu Congxiang ឱ្យបន្តស្វែងរកការរីកចម្រើនផ្នែកបច្ចេកវិទ្យាដាំដុះស្រូវសាលី ដើម្បីចូលរួមចំណែកបន្ថែមទៀត សម្រាប់ការផលិតស្បៀងរបស់ប្រទេសចិន។
ក្នុងរយដូវក្តៅឆ្នាំ២០២២ ស្រូវសាលីដែលលោក Xu Congxiang ដាំដុះសម្រេចបាននូវការប្រមូលផលច្រើនបំផុត ជាលក្ខណៈប្រវត្តិសាស្រ្ត ទិន្នផលនៃស្រូវសាលីជាច្រើនប្រភេទ ក្នុងមួយហិកតាមានចំនួនលើសពី ១២០០០ គីឡូក្រាម។ លោកបានផ្ញើសារលិខិតជូនលោកអគ្គលេខាធិកាបក្ស ដើម្បីរាយការណ៍ពីដំណឹងល្អនេះ។ លោក Xi Jinping បានឆ្លើយតបសំបុត្រដោយសង្ឃឹមថា អ្នកដាំដុះធំអាចដើរតួនាទីនៃឧត្តមភាព សម្រាប់ការដាំដុះដោយទ្រង់ទ្រាយធំ និងប្រើប្រាស់យ៉ាងសកម្មនូវបច្ចេកវិទ្យាសកិកម្មទំនើប ដឹកនាំកសិករដាំដុះខ្នាតតូច ដាំដុះដំណាំស្បៀងឱ្យបានច្រើន និងឱ្យបានល្អ ដើម្បីនាំគ្នាចូលរួមចំណែកជាកម្លាំងដល់សន្តិសុខស្បៀងជាតិ។
លោក Xu Congxiang បានចងចាំការផ្តែផ្តាំរបស់លោកអគ្គលេខាធិការ និងបានធ្វើប្រតិបត្តិការភ្លាមៗ។ លោកបានបង្កើតសាលារៀនកសិករតាមវាលស្រែ ដើម្បីបង្រៀនបច្ចេកវិទ្យាគន្លឹះ នៃការប្រមូលផលច្រើន។ ទង្វើនេះទទួលបាន ការគាំទ្រពីសំណាក់ស្ថាប័នរដ្ឋបាលក្នុងតំបន់ ដោយបានបង្កើត សមាគមអ្នកដាំដុះដំណាំស្បៀងទ្រង់ទ្រាយធំស្រុក Taihe ដែលមានលោក Xu Congxiang ជាប្រធាន និងបានបង្កើតក្រុមប្រឹក្សាដាំដុះដំណាំស្បៀង នៅឃុំនានានៃស្រុកនេះផងដែរ។
អ្នកដំាដុះដំណាំស្បៀងទ្រង់ទ្រាយធំបានធ្វើជា "សិស្ស" របស់លោក Xu Congxiang រួចធ្វើជា "គ្រូ" សម្រាប់អ្នកដាំដុះខ្នាតតូចផ្សេងទៀត ដោយមានអ្នកដាំដុះខ្នាតតូចជាច្រើន បានពង្រីកទំហំដាំដុះពីពីរបីមួរដល់រាប់សិបមួរ (១៥មួរស្មើនឹង១ ហិកតា) ក្រោមការណែនាំរបស់ពួកគេ។ ក្នុងរយៈពេលត្រឹមតែប៉ុន្មានឆ្នាំប៉ុណ្ណោះ រូបមន្តសហការដែលអ្នកដាំដុះធំៗ ដឹកនាំអ្នកដាំដុះតូចៗ បានគ្របដណ្តប់វាលស្រែទំហំ ២ ម៉ឺនហិកតានៃស្រុក Taihe លោក Xu Congxiang និងអ្នកដើរតាមគាត់កាន់តែច្រើនឡើងៗ បានចូលរួមដាំដុះដំណាំស្បៀង ដើម្បីរួមចំណែកដល់ការធានាសន្តិសុខស្បៀងជាតិចិន៕
វិទ្យុមិត្តភាពកម្ពុជាចិន
