(ហ្សាការតា)៖ យោធាឥណ្ឌូណេស៉ី បានជួយសង្រ្គោះកម្មករចំនួន ១៨នាក់ ដែលត្រូវក្រុមឧទ្ទាមប្រដាប់អាវុធ ចាប់ខ្លួនអស់រយៈពេល ៣ថ្ងៃមកហើយ នៅទីតាំងរុករក​រ៉ែ​មាស​ និង​ទង់ដែង Freeport ក្នុងតំបន់កោះប៉ាពួ ប្រទេស​ឥណ្ឌូណេស៉ី ដែល​ញាំញី​ដោយ​ការបះបោរ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៥ ខែមករា ឆ្នាំ ២០២៦។

ក្រុមចលនាប៉ាពួសេរី (Free Papua Movement) បាននិយាយថា ពួកគេកំពុងប្រយុទ្ធដើម្បីអបគមន៍នៃតំបន់ ចេញពីឥណ្ឌូណេស៉ី និងបានគ្រប់គ្រងពាក់កណ្តាលនៃកោះ ដែលសម្បូរទៅដោយធនធានចាប់តាំងពីឆ្នាំ ១៩៦៩។ ផ្នែកពាក់កណ្តាលទៀតនៃ ប៉ាពួដែលជាកោះប៉ាស៉ីហ្វិកដ៏ធំល្វឹងល្វើយ និងក្នុងចំណោមកោះធំៗបំផុតលើពិភពលោក គឺជាប្រទេសប៉ាពួរអាស៉ីនូវែហ្គីណេ Papua New Guinea ដែលស្ថិតនៅភាគខាងជើងប្រទេសអូស្ត្រាលី។

អ្នកនាំពាក្យក្រសួងការពារជាតិឥណ្ឌូណេស៉ី លោក Rico Ricardo បានឱ្យដឹងថា កម្មករ​កំពុង​ជួសជុល​ប៉ម​អគ្គិសនី​របស់ Freeport ក្នុងស្រុក Tembagapura ​ខេត្ត Papua ភាគ​កណ្តាល នៅ​ពេល​ក្រុម​ឧទ្ទាម​ឡោម​ព័ទ្ធ​ពួកគេ​ កាល​ពី​សប្តាហ៍​មុន។ លោកបន្ថែមថា ពួកគេ​បាន​បំភិតបំភ័យ​កម្មករ បាញ់​ប្រហារ​ដើម្បី​បំបាក់ស្មារតី ឬ​បង្ក​បញ្ហា​ផ្លូវចិត្ត។ យោធាបានប្រើដ្រូន ដើម្បីចែកចាយអាហារ និងថ្នាំដល់កម្មករ មុនជម្លៀសពួកគេទៅកាន់កន្លែងមានសុវត្ថិភាព បន្ទាប់ពីរយៈពេល ៣ថ្ងៃ៕