(ប៉េកាំង)៖ អ្នកនាំពាក្យក្រសួងការបរទេសចិន បាននិយាយនាថ្ងៃចន្ទ ទី៩ ខែកុម្ភៈនេះថា គោលនយោបាយការបរទេសចិនចំពោះជប៉ុន នឹងប្រែប្រួលដោយសារតែការបោះឆ្នោតមួយមុខនោះទេ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

ការអត្ថាធិប្បាយរបស់លោកស្រី Sanae Takaichi ជុំវិញលទ្ធភាពធ្វើអន្តរាគមន៍ ករណីដែលចិនប្រើប្រាស់កម្លាំងយោធាលើតៃវ៉ាន់ បានបង្កឱ្យមានជម្លោះផ្នែកការទូតរវាងទីក្រុងតូក្បូ និងទីក្រុងប៉េកាំង កាលពីខែវិច្ឆិកា ឆ្នាំមុន។ អ្នកនាំពាក្យក្រសួងការបរទេសចិន លោក Lin Jian បាននិយាយក្នុងសន្និសីទសារព័ត៌មានប្រចាំថ្ងៃ ថាចិននៅតែជំរុញឱ្យនាយករដ្ឋមន្ត្រីជប៉ុន ដកពាក្យសម្តីកត់សម្គាល់អំពីកោះតៃវ៉ាន់នោះចេញ។

គួរបញ្ជាក់ថា ក្រុម​ចម្រុះ​កាន់អំណាចរបស់​នាយករដ្ឋមន្ត្រី​ជប៉ុន លោកស្រី Sanae Takaichi បាន​ឈ្នះ​ការ​បោះឆ្នោតសកលឡើងវិញ​ កាល​ពី​ថ្ងៃ​អាទិត្យ ដែលនឹងត្រួសត្រាយ​ផ្លូវ​ឱ្យមានការ​កាត់​បន្ថយ​ពន្ធ និង​ការ​សន្យាចំណាយផ្នែក​យោធា៕