ក្រសួងពាណិជ្ជកម្មចិន៖ ប្រឆាំងយ៉ាងដាច់អហង្ការចំពោះភាគីអង់គ្លេសដែលដាក់ទណ្ឌកម្មលើ សហគ្រាសប្រទេសចិនក្រោមលេសថា ជាប់ពាក់ព័ន្ធនឹងរុស្ស៊ី
03-03-2026 17:52
(ប៉េកាំង)៖ ទាក់ទិននឹងករណីដែលក្រសួងការបរទេសអង់គ្លេស បានប្រកាសការដាក់ទណ្ឌកម្មជុំថ្មី ពាក់ព័ន្ធនឹងរុស្ស៊ីនាពេលថ្មីៗនេះ មានការពាក់ព័ន្ធជាមួយនឹងសហគ្រាសចិនជាច្រើន អ្នកនាំពាក្យក្រសួងពាណិជ្ជកម្មចិន បានលើកឡើងនាថ្ងៃទី២ ខែកុម្ភៈថា ភាគីអង់គ្លេសបានដាក់ទណ្ឌកម្មម្តងហើយម្តងទៀតលើ សហគ្រាសចិនក្រោមលេសថា ពួកគេមានជាប់ពាក់ព័ន្ធនឹងរុស្ស៊ី។ សកម្មភាពរបស់ភាគីអង់គ្លេស ពុំមានមូលដ្នានច្បាប់អន្តរជាតិ និងជាការដាក់ទណ្ឌកម្មឯកតោភាគី ដោយគ្មានការអនុញ្ញាតពីអង្គការសហប្រជាជាតិ។ ប្រទេសចិន បានសម្តែងការមិនពេញចិត្តយ៉ាងខ្លាំង និងប្រឆាំងយ៉ាងដាច់អហង្ការ ចំពោះករណីនេះ។
អ្នកនាំពាក្យបានលើកឡើងថា នៅលើបញ្ហាវិបត្តិអ៊ុយក្រែន ភាគីចិនបានគ្រប់គ្រងយ៉ាងជាប់លាប់ និងតឹងរ៉ឹងលើការនាំចេញទំនិញប្រើប្រាស់បានទាំងផ្នែកយោធានិងស៊ីវិល តាមច្បាប់និងបទប្បញ្ញត្តិ ហើយកិច្ចផ្លាស់ប្តូរ និងកិច្ចសហប្រតិបត្តិការជាក់ស្តែងរវាងសហគ្រាសចិននិងរុស្ស៊ីមិនគួរត្រូវបានជ្រៀតជ្រែក និងរំខានឡើយ។ ភាគីចិនដាស់តឿនឱ្យភាគីអង់គ្លេសកែតម្រូវប្រតិបត្តិការខុសឆ្គងជាបន្ទាន់ និងលុបចោលការដាក់ទណ្ឌកម្ម ចំពោះអង្គភាពពាក់ព័ន្ធរបស់ប្រទេសចិន ដើម្បីរក្សានិន្នាការវិជ្ជមាននៃទំនាក់ទំនងចិន-អង់គ្លេស។ ប្រទេសចិននឹងចាត់វិធានការចាំបាច់ ដើម្បីការពារយ៉ាងម៉ឺងម៉ាត់ នូវសិទ្ធិនិងផលប្រយោជន៍ស្របច្បាប់របស់សហគ្រាសចិន៕
