* រដ្ឋមន្ត្រីការពារជាតិអាមេរិក ប្រឈមមុខនឹងការជំរុញដំណើរការនីតិវិធីដកតំណែង ជុំវិញសង្រ្គាមអ៉ីរ៉ង់
* ភ្លៀងធ្លាក់ជួយឱ្យព្រែកជីកប៉ាណាម៉ា ដែលរងគ្រោះដោយបាតុភូត El Nino បង្កើនការធ្វើនាវាចរណ៍ឡើងវិញ
* តើ Alice Huang ជានរណា? លាតត្រដាងប្រវត្តិនារីអាថ៌កំបាំងដែលធ្វើឱ្យរង្គើកៅអី CEO ក្រុមហ៊ុន Nvidia
* ប្រធានាធិបតីរ្វ៉ាន់ដា លោក Paul Kagame និងជំទាវទី១ នឹងអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា ពីថ្ងៃទី១២-១៣ វិច្ឆិកា មុនចូលរួមកិច្ចប្រជុំកំពូលហ្វ្រង់កូហ្វូនី លើកទី២០
* បារាំងរៀបចំ «ពន្លាជាតិបារាំង» រយៈពេល ៥ថ្ងៃ ក្នុងភូមិហ្វ្រង់កូហ្វូនី ដើម្បីអបអរកិច្ចប្រជុំកំពូល និងពង្រឹងចំណងមិត្តភាពកម្ពុជា-បារាំង
* កូរ៉េខាងជើង ធ្វើតេស្តបាញ់ប្រព័ន្ធអាវុធ torpedo ល្បឿនលឿនស៊េរីថ្មី
* លោក ត្រាំ មានគម្រោងផ្អាកការវាយប្រហារលើអ៉ីរ៉ង់ តាមការអំពាវនាវពីក្រុមប្រទេសក្នុងតំបន់ដែលចង់ឃើញសន្តិភាព
* វិភាគអន្តរជាតិ៖ ចំណុចខ្សោយនៃឧស្សាហកម្មដ្រូនយោធារបស់អ៊ុយក្រែន
* ពីការបំផ្លាញនយោបាយជាតិ ដល់ការរារាំងទស្សនកិច្ចលោក Macron នៅកម្ពុជា៖ តើអ្វីជាជំហរនយោបាយពិតប្រាកដរបស់ សម រង្ស៊ី?
* សម្តេចមហាបវរធិបតី ហ៊ុន ម៉ាណែត៖ ពេលចេញពីការងារយោធិនអាជីព និងយោធិនកាតព្វកិច្ច គឺអនុវត្តន៍ភារកិច្ចដូចគ្នា មិនមានការរើសអើងនោះឡើយ
* សម្តេចមហាបវរធិបតី ហ៊ុន ម៉ាណែត៖ យោធិនកាតព្វកិច្ចក្រៅពីការហ្វឹកហាត់ នឹងត្រូវហ្វឹកហ្វឺនយុទ្ធវិធី វិន័យ អត្តចរិត ដែលនឹងផ្លាសប្តូរជីវិតស៊ីវិលទៅជាជីវិតយោធាដែលមានវិន័យខ្ពស់
* សម្តេចមហាបវរធិបតី ហ៊ុន ម៉ាណែត ថ្លែងសង្កត់ធ្ងន់ថា កងទ័ពត្រូវតែមានវិន័យខ្ពស់ បើគ្មានវិន័យទេការប្រយុទ្ធនឹងមិនអាចទទួលបានជ័យជម្នះឡើយ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពេលចេញពីការងារយោធិនអាជីព និងយោធិនកាតព្វកិច្ច គឺអនុវត្តន៍ភារកិច្ចដូចគ្នា មិនមានការរើសអើងនោះឡើយ។ សម្តេចមហាបវរធិបតី ហ៊ុន ម៉ាណែត ណែនាំដល់មេបញ្ជាការតាមអង្គភាពនានារបស់កងទ័ព ពេលទទួលយោធិនកាតព្វកិច្ចក្រោយហ្វឹកហ្វឺន ត្រូវអនុវត្តតួនាទីភារកិច្ចដូចទៅនឹងយោធិនអាជីព ដោយគ្មានការបែងចែកនោះឡើយ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការបំពេញកាតព្វកិច្ចយោធា ជាការទទួលបានលំនឹងការងាររយៈពេល២៤ខែ។ បន្ថែមពីលើក្រោយបញ្ចប់កាតព្វកិច្ច នឹងក្លាយជាយោធិនបម្រុង ហើយក៏អាចដាក់ពាក្យប្រលងចូលជាយោធិនអាជីព។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កុំគិតថាការអនុវត្តន៍កាតព្វកិច្ចយោធាជាការចាយជីវិត តែត្រូវគិតថាជាការវិនិយោគ
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

បារាំង និងក្រិក ប្រញាប់បញ្ជូនប្រព័ន្ធការពារដែនអាកាសទៅជួយប្រទេស Cyprus ក្រោយមានការវាយប្រហារលើមូលដ្ឋានទ័ពអង់គ្លេស (Video inside)

03-03-2026 23:02

(នីកូស៊ី)៖ មន្ត្រីរដ្ឋាភិបាលសាយប្រឺស (Cyprus) បានប្រកាសនាថ្ងៃអង្គារថា ប្រទេសបារាំងគ្រោងនឹងបញ្ជូនប្រព័ន្ធការពារមីស៊ីល និងប្រឆាំងដ្រូនទៅកាន់កោះសាយប្រឺស បន្ទាប់ពីមូលដ្ឋានទ័ពអាកាសអង់គ្លេសនៅលើកោះនេះ រងការវាយប្រហារដោយដ្រូន។ ស្របពេលជាមួយគ្នានេះ ប្រទេសក្រិក ក៏បានប្តេជ្ញាការពាររដ្ឋតូចមួយនៅសមុទ្រមេឌីទែរ៉ាណេនេះផងដែរ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។

ការផ្តល់ជំនួយបន្ទាន់នេះ ធ្វើឡើងក្រោយពីមានការវាយប្រហារដោយដ្រូនផលិតនៅអ៉ីរ៉ង់ ទៅលើមូលដ្ឋានទ័ពអាកាស RAF Akrotiri របស់អង់គ្លេសកាលពីថ្ងៃចន្ទ បណ្តាលឱ្យខូចខាតផ្លូវរត់បន្តិចបន្តួច ខណៈដ្រូន ២គ្រឿងផ្សេងទៀតត្រូវបានបាញ់ស្ទាក់។ ទោះបីជាមូលដ្ឋាននេះជាទឹកដីអធិបតេយ្យរបស់អង់គ្លេសក្តី តែវាស្ថិតនៅកៀកនឹងតំបន់រស់នៅរបស់ពលរដ្ឋសាយប្រឺស ដែលបង្ខំឱ្យមនុស្សរាប់រយនាក់ត្រូវជម្លៀសខ្លួនចេញជាបន្ទាន់។

អ្នកនាំពាក្យរដ្ឋាភិបាលសាយប្រឺស លោក Konstantinos Letymbiotis បានបញ្ជាក់ថា ប្រធានាធិបតីបារាំង លោក អេម៉ានុយអែល ម៉ាក្រុង នឹងបញ្ជូនប្រព័ន្ធការពារដែនអាកាស ព្រមទាំងនាវាចម្បាំង (Frigate) មួយគ្រឿងមកជួយ ខណៈយោធាបារាំងកំពុងវាយតម្លៃស្ថានការណ៍ជាប់ជាប្រចាំ។

គួរបញ្ជាក់ថា ជាការឆ្លើយតប ក្រិកបានបញ្ជូនយន្តហោះចម្បាំង F-16 ចំនួន ៤គ្រឿង និងនាវាចម្បាំង ២គ្រឿង ដែលបំពាក់ប្រព័ន្ធបង្អាក់ដ្រូន Centauros ទៅកាន់កោះសាយប្រឺសរួចហើយ។ រដ្ឋមន្ត្រីការពារជាតិក្រិក លោក Nikos Dendias បានសង្កត់ធ្ងន់ថា ក្រិកនឹងបន្តវត្តមានដើម្បីជួយការពារសាយប្រឺសតាមគ្រប់មធ្យោបាយ ខណៈដែលអង់គ្លេសនៅមិនទាន់សម្រេចចិត្តថានឹងបញ្ជូននាវាចម្បាំងមកការពារមូលដ្ឋានខ្លួន ឬយ៉ាងណានោះទេ៕