រឿងរ៉ាវរបស់លោក Xi Jinping ក្នុងមហាសន្និបាតសភាទាំងពីរ៖ «យើងត្រូវតែទទួលស្គាល់និងផ្តល់តម្លៃឱ្យទ្រព្យសម្បត្តិរបស់ខ្លួន» «យើងត្រូវតែទទួលស្គាល់និងផ្តល់តម្លៃឱ្យទ្រព្យសម្បត្តិរបស់ខ្លួន ហើយមិនត្រូវមើលស្រាលវាឡើយ»
06-03-2026 18:01
(ប៉េកាំង)៖ ក្នុងអំឡុងពេលមហាស្និបាតសភាទាំងពីរប្រចាំឆ្នាំ ២០១៨ លោក Wu Weishan សមាជិកសភាប្រឹក្សានយោបាយប្រជាជនទូទាំងប្រទេសចិនបានថ្លែងសុន្ទរកថាក្រោមមូលបទ «ការកសាងសហគមន៍ជោគវាសនារួមសម្រាប់មនុស្សជាតិតាមរយៈស្នាដៃល្អៗ»។ បន្ទាប់ពីស្តាប់រួច ប្រធានរដ្ឋចិនលោក Xi Jinping បានចែករំលែកគំនិតរបស់លោកលើជំនឿចិត្ត លើខ្លួនឯងខាងវប្បធម៌ថា «ឥឡូវនេះ យើងស្ថិតនៅក្នុងយុគសម័យដែលជិតបំផុតទៅនឹង ការស្តារភាពរុងរឿងឡើងវិញនៃវប្បធម៌។ យើងមានជំនឿចិត្តលើខ្លួនឯង»។
លោកបានបន្ថែមថា របៀបគិតគូរបញ្ហារបស់មនុស្សជាតិគឺទាក់ទងនឹងហ្សែន និងឈាមជ័រនៃប្បធម៌ចិនដែលមានអាយុកាលប្រាំពាន់ឆ្នាំមក។ ចាប់តាំងពីសមាជបក្សកុម្មុយនីស្តចិនលើកទី ១៨ មក លោក Xi Jinping តែងតែចាត់ទុកការអភិវឌ្ឍវប្បធម៌នៅជួរមុខនៃការធ្វើអភិបាលកិច្ចជាតិ ដើម្បីបង្កើនជំនឿចិត្តខាងវប្បធម៌ និងពង្រឹងសមត្ថភាពខ្លួនឯងឱ្យខ្លាំងក្លា។
ក្នុងរយៈពេលប៉ុន្មានឆ្នាំចុងក្រោយនេះ ប្រទេសចិនបានអនុវត្តជាបន្តបន្ទាប់នូវគម្រោងតាមដានប្រភពដើមនៃអរិយធម៌ចិន ដោយប្រើប្រាស់វិទ្យាសាស្ត្រ និងបច្ចេកវិទ្យាដើម្បីស្វែងយល់ពីឫសគល់នៃអរិយធម៌, ធ្វើវិសោធនកម្មច្បាប់ស្តីពីការការពារវត្ថុបុរាណវប្បធម៌ ដោយកំណត់ខ្សែបន្ទាត់ក្រហមសម្រាប់ការការពារបេតិកភណ្ឌវប្បធម៌ជាមួយនឹង "ប្រព័ន្ធតឹងរ៉ឹងបំផុត", បង្កើតតំបន់ការពារបរិស្ថានវប្បធម៌ថ្នាក់ជាតិ (ពិសោធន៍) សាងសង់ឧទ្យានវប្បធម៌ជាតិចំនួនប្រាំ និងលើកកម្ពស់ការអភិរក្ស ។ល។ វិធានការទាំងនេះបង្កើតបាននូវរបាំងរឹងមាំសម្រាប់ការការពារ និងបន្តស្នងមរតកវប្បធម៌។
ការដាក់បញ្ចូលវិកិណ្ណដ្ឋានបុរាណ Liangzhu និងអ័ក្សកណ្តាលក្រុងប៉េកាំងដោយជោគជ័យនៅក្នុងបញ្ជីបេតិកភណ្ឌពិភពលោក បានធ្វើឱ្យប្រទេសចិនឈានមុខគេលើចំនួនបេតិកភណ្ឌពិភពលោកលើសកលលោក ឯចំនួនបេតិកភណ្ឌអរូបីបានជាប់ ចំណាត់ថ្នាក់លេខមួយនៅទូទាំងពិភពលោក។ នេះមិនត្រឹមតែជាសមិទ្ធផលនៃវប្បធម៌ដ៏យូរលង់របស់ប្រទេសចិនប៉ុណ្ណោះទេប ប៉ុន្តែថែមទាំងជាការរួមចំណែកចំពោះអរិយធម៌ពិភពលោកទៀតផង។
នៅមុនថ្ងៃបុណ្យចូលឆ្នាំថ្មីប្រពៃណីចិនឆ្នាំនេះ លោក Xi Jinping បានទៅចុះត្រួតពិនិត្យតាមផ្លូវពាណិជ្ជកម្មឡុងហ្វូស៊ី ក្នុងទីក្រុងប៉េកាំង ដោយឈប់ឈរនៅតាមតូបលក់ទំនិញផ្សេងៗ ដើម្បីសង្កេតមើល និងទិញអាហារពិសេស និងផលិតផលច្នៃប្រឌិតថ្មីខាងវប្បធម៌។ លោកបានកត់សម្គាល់ថា "បរិយាកាសវប្បធម៌ប្រវត្តិសាស្ត្រនៅទីនេះ មានភាពជ្រាលជ្រៅណាស់ យើងត្រូវតែបន្តវេន និងផ្សព្វផ្សាយវាឱ្យបានល្អ"។
ការលាយបញ្ចូលគ្នារវាងប្រពៃណី និងទំនើ កំពុងធ្វើឱ្យឱ្យប្រទេសចិនបង្កប់ចរិតលក្ខណៈពិសេស និងទាក់ទាញ ការចាប់អារម្មណ៍ពីពិភពលោក។ ដូចដែលលោក Xi Jinping បានមានប្រសាសន៍ថា "វប្បធម៌ចិនគឺជារបស់ប្រវត្តិសាស្ត្រ និងជារបស់សហសម័យ ជារបស់ប្រជាជាតិ និងជារបស់សកលលោក"។
ដោយសម្លឹងមើលទៅអនាគត សំណើ "ផែនការប្រាំឆ្នាំលើកទី ១៥" បានកំណត់យក "ការកែលម្អកម្រិតអរិយធម៌សង្គមយ៉ាងច្រើន" ជាគោលដៅសំខាន់នៃការអភិវឌ្ឍសេដ្ឋកិច្ច និងសង្គមក្នុងអំឡុងពេល "ផែនការប្រាំឆ្នាំលើកទី ១៥" ដើម្បីបន្តថែរក្សា និងអភិវឌ្ឍវប្បធម៌។ ប្រទេសចិនដែលមានជំនឿចិត្តខាងវប្បធម៌យ៉ាងរឹងមាំ នឹងការពារ និងបន្តវេនទ្រព្យសម្បត្តិវប្បធម៌របស់ខ្លួនឱ្យបានកាន់តែល្អប្រសើរ និងឱបក្រសោបពិភពលោក ដោយអាកប្បកិរិយាបើកចំហ៕
វិទ្យុមិត្តភាពកម្ពុជាចិន
