លោក ហ្សេលេនស្គី៖ អ៊ុយក្រែន ឈរលើគោលជំហរបទឈប់បាញ់ ដែលផ្ញើរទៅឱ្យរុស្ស៉ី (Video inside)
07-04-2026 11:00
(កៀវ)៖ ប្រធានាធិបតី លោក វ៉ូឡូឌីមៀ ហ្សេលេនស្គី បាននិយាយកាលពីថ្ងៃចន្ទសប្តាហ៍នេះថា អ៊ុយក្រែន ឈរលើគោលជំហរដែលមានក្នុងបទឈប់បាញ់ ដែលស្នើឱ្យរុស្ស៉ីបញ្ឈប់ការវាយប្រហារលើហេដ្ឋារចនាសម្ព័ន្ធថាមពល។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃអង្គារ ទី៧ ខែមេសា ឆ្នាំ២០២៦។
ក្នុងសុន្ទរកថាជាវីដេអូ លោក ហ្សេលេនស្គី និយាយថាសំណើត្រូវបានបញ្ជូនទៅទីក្រុងមូស្គូ តាមរយៈសហរដ្ឋអាមេរិក ហើយការងារក៏កំពុងបន្តជាមួយអ្នកចរចាអាមេរិក ជុំវិញការធានាសន្តិសុខដែលជាគន្លឹះនៃសន្តិភាពយូរអង្វែង។ លោកបញ្ជាក់ថា «ប្រសិនបើរុស្ស៉ីបញ្ឈប់ការវាយប្រហារលើហេដ្ឋារចនាសម្ព័ន្ធថាមពល យើងនឹងឆ្លើយតបទៅវិញដោយសប្បុរស»។
កាលពីសប្តាហ៍មុន លោក ហ្សេលេនស្គី បានស្នើឱ្យមានការសង្កេតក្រោមលក្ខខណ្ឌស្រដៀងគ្នា នឹងបទឈប់បាញ់ពីមុនសម្រាប់បុណ្យ Easter នៅអាទិត្យសប្តាហ៍មុន។ ប៉ុន្តែទីក្រុងមូស្គូ ថាខ្លួនពេញចិត្តកិច្ចព្រមព្រៀងសន្តិភាពទាំងស្រុង ជាជាងបទឈប់បាញ់៕
