(ប៉េកាំង)៖ ថ្ងៃទី ៧ ខែមេសា លោកស្រី Mao Ning អ្នកនាំពាក្យក្រសួងការបរទេសចិន បានធ្វើជាអធិបតីក្នុងសន្និសីទសារព័ត៌មានជាប្រចាំ ។ មានអ្នកសារព័ត៌មានលើកសំណួរអំពី ការដែលរដ្ឋាភិបាលជប៉ុន គ្រោងនឹងកែសម្រួលគោលការណ៍បីស្តីពីការផ្ទេរបរិក្ខារការពារជាតិ នៅខែមេសានេះ ។

លោកស្រី Mao Ning បានឆ្លើយតបថា ប្រទេសចិនបានកត់សម្គាល់អំពីរឿងនេះហើយ ។ បញ្ញវន្តអន្តរជាតិ និងឥស្សរជនរបស់ជប៉ុនជាច្រើនរូបបានសម្តែងការព្រួយបារម្ភយ៉ាងខ្លាំងចំពោះករណីនេះ ហើយសម្គាល់ឃើញថា ការណ៍នេះជាសញ្ញាកត់សម្គាល់ នៃការប្រែប្រួលពីឫសគល់នៃគោលនយោបាយនាំចេញអាវុធរបស់ជប៉ុន ក្រោយសង្រ្គាមលោកលើកទីពីរ ដែលបានល្មើសយ៉ាងធ្ងន់ធ្ងរនឹង ការកំណត់ក្នុងឯកសារដែលមានប្រសិទ្ធភាពផ្នែកច្បាប់អន្តរជាតិ ដូចជា «សេចក្តីប្រកាស Cairo» និង «សេចក្តីប្រកាស Potsdam» និង «ឯកសារសុំចុះចាញ់របស់ជប៉ុន» ជាដើម ក៏ដូចជាបានបំពានយ៉ាងធ្ងន់ធ្ងរចំពោះរដ្ឋធម្មនុញ្ញ និងបទប្បញ្ញតិ្តមានស្រាប់នៃប្រទេសជប៉ុន ហើយបានបំផ្លាញដល់ការធានា ជាលក្ខណៈរបបដើម្បីទប់ស្កាត់កុំឱ្យយោធានិយមរបស់ជប៉ុនងើបឡើងវិញ។

លោកស្រី Mao Ning បានលើកឡើងថា ការដែលជប៉ុនពន្លឿន “ការធ្វើយោធូបនីយកម្មឡើងវិញ” ជាការពិតជាក់ស្តែង ដែលមានផែនទីបង្ហាញផ្លូវនិងសកម្មភាពជាក់ស្តែង ហើយបាននិងកំពុងគំរាមកំហែងដល់សន្តិភាពនិងស្ថិរភាពក្នុងតំបន់ ។ សហគមន៍អន្តរជាតិចាំបាច់ត្រូវរក្សាការប្រុងប្រយ័ត្នខ្ពស់ និងធ្វើពហិការយ៉ាងដាច់ខាតចំពោះសកម្មភាពដ៏គឃ្លើននៃ “យោធានិយមបែបថ្មី”របស់ជប៉ុន៕

វិទ្យុមិត្តភាពកម្ពុជាចិន