(សិង្ហបុរី)៖ នាយករដ្ឋមន្ត្រីសិង្ហបុរី លោក Lawrence Wong បាននិយាយនៅថ្ងៃសុក្រ ទី១ ខែឧសភា ឆ្នាំ២០២៦ ថាពេលដែលបញ្ញាសិប្បនិម្មិត (AI) ប្តូរទម្រង់ឧស្សាហកម្ម និងសេដ្ឋកិច្ចរបស់ប្រទេស នោះការងារថ្មីៗ ហើយប្រសើរជាងមុន នឹងត្រូវបានបង្កើតឡើង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន CNA។

ថ្លែងទៅកាន់ប្រធានសហជីព និងដៃគូត្រីភាគីជាង ១ ៦០០នាក់ ក្នុងពិធីជួបជុំទិវាពលកម្មអន្តរជាតិ លោក Wong បានទទួលស្គាល់ពីផលប៉ះពាល់ដ៏សម្បើម ដោយសារតែ AI។ លោក​ Wong គូសបញ្ជាក់ថា «ខ្ញុំ​មិន​អាចនិយាយ​ថាគ្មានផលរំខាន​នោះទេ។ ប៉ុន្តែខ្ញុំអាចសន្យាថា យើងនឹងការពារកម្មករគ្រប់ៗរូប»។

ក្រុមប្រធានសហជីព បានប្រាប់ CNA ថាខណៈក្តីបារម្ភអំពីផលប៉ះពាល់របស់ AI ទៅលើការងារគឺជាការពិត ពួកគេអាចដោះស្រាយបញ្ហានេះ ដោយការផ្លាស់ប្តូរផ្នត់គំនិត។ បើតាមលោក​ Wong ​ក្រុមប្រឹក្សា​ការងារ​ត្រីភាគី​ថ្មី ដែល​ទើប​ប្រកាស​កាលពីថ្ងៃ​ព្រហស្បតិ៍ ដែល​ផ្តួចផ្តើម​ដោយ​សមាជ​សហជីព​ជាតិ នឹង​នាំដៃនានា​មកជួយដល់​កម្មករ និង​អាជីវកម្ម​នានា​ដែល​រងផល​ប៉ះពាល់ពី AI៕