(ប៉េកាំង)៖ កាលពី ៨០ឆ្នាំមុន តុលាការយោធាអន្តរជាតិសម្រាប់ចុងបូព៌ាបានធ្វើការជំនុំជម្រះរួមចំពោះឧក្រិដ្ឋជនសង្គ្រាមថ្នាក់ A របស់ជប៉ុនពីសង្គ្រាមលោកលើកទី ២ ដោយបានជម្រះទាំងស្រុងនូវឧក្រិដ្ឋកម្មទាំងអស់នៃយោធានិយមរបស់ជប៉ុន។ ប៉ុន្តែ ទោះជាយ៉ាងណាក៏ដោយ ជប៉ុនមិនបានបង្ហាញពីការគោរពចំពោះប្រវត្តិសាស្ត្រទេ បែរជាបានពន្លឿនការវាតទីកម្លាំងយោធា ការបំភ្លែប្រវត្តិសាស្ត្រ និងកាបង្ករឿងខាងភូមិសាស្ត្រនយោបាយ។

បណ្តាញទូរទស្សន៍ CGTN នៃអគ្គស្ថានីយវិទ្យុនិងទូរទស្សន័មជ្ឈិមចិន បានធ្វើការស្ទង់មតិចំពោះ អ្នកប្រើប្រាស់អ៊ីនធឺណិតទូទាំងពិភពលោក ជាលទ្ធផលបានបង្ហាញថា អ្នកផ្តល់បទសម្ភាសន៍ចំនួន ៨១,៨% បានសម្គាល់ឃើញថា ការធ្វើវិសោធនកម្មប្រវត្តិសាស្ត្ររបស់ជប៉ុន បានរួមបញ្ចូលគ្នាជាមួយការពន្លឿនយោធានិយមបែបថ្មី វាបានបង្កជាការគំរាមកំហែងយ៉ាងពិតប្រាកដ ចំពោះសន្តិភាព និងស្ថិរភាពក្នុងតំបន់ សហគមន៍អន្តរជាតិគួរតែរក្សាការប្រុងប្រយ័ត្នខ្ពស់។

សូមបញ្ជាក់ថា ការស្ទង់មតិនេះចេញផ្សាយនៅលើវេទិកាជាភាសាអង់គ្លេស អេស្ប៉ាញ បារាំង អារ៉ាប់ និងរុស្ស៊ីរបស់ CGTN ដែលបានទាក់ទាញអ្នកផ្តល់បទសម្ភាសន៍ចំនួន ៨១១៤ នាក់ចូលរួមបញ្ចេញមតិយោបល់ក្នុងរយៈពេល ២៤ ម៉ោង៕

វិទ្យុមិត្តភាពកម្ពុជាចិន