(ប៉េកាំង)៖ ថ្ងៃទី ៣ ខែឧសភា អ្នកនាំពាក្យក្រសួងការបរទេសចិនបានឆ្លើយសំណួររបស់អ្នកសារព័ត៌មានស្តីពីខួប ៨០ ឆ្នាំនៃការបើកសវនាការជំនុំជម្រះក្រុងតូក្យូ ដោយថ្លែងថា នាថ្ងៃទី ៣ ខែឧសភា ឆ្នាំ ១៩៤៦ តុលាការយោធាអន្តរជាតិ សម្រាប់ចុងបូព៌ាបានបើកសវនាការជាផ្លូវការ។ តុកាលារបានប្រមូលផ្តុំកម្លាំងតុលាការនៃប្រទេសចំនួន ១១ និងផ្អែកលើភស្តុតាងដ៏ជាក់លាក់ និងច្បាប់ដ៏ម៉ត់ចត់ដោយកាត់ក្តីថា យោធានិយមជប៉ុនបានធ្វើសង្គ្រាមឈ្លានពាន ដែលល្មើសយ៉ាងធ្ងន់ធ្ងរនឹងច្បាប់អន្តរជាតិ បានផ្តន្ទាទោសយ៉ាងម៉ឺងម៉ាត់ចំពោះអ្នកទោសសង្គ្រាមថ្នាក់អា និងបរិហារពាក្យសម្តីខុសឆ្គងក្នុងប្រវត្តិសាស្ត។ ការជំនុំជម្រះក្រុងតូក្យូជាការអនុវត្តនូវ «សេចក្តីប្រកាសក្រុងគែរ» និង «សេចក្តីប្រកាសផតស្តាម» វាបានឆ្លុះបញ្ចាំងពីឆន្ទៈរបស់ប្រទេសឈ្នះ និងជនរងគ្រោះទាំងឡាយ អនុវត្តកម្មវត្ថុនិងគោលការណ៍នៃ «ធម្មនុញ្ញអង្គការសហប្រជាជាតិ» ដែលបានគាំពារសមិទ្ធផលនៃភាពជ័យជម្នះនៃសង្គ្រាមលោកលើកទីពីរ។

អ្នកនាំពាក្យរូបនេះបន្តទៀតថា ការទទួលយកសាលក្រមនៃការជំនុំជម្រះ ជាបុរេលក្ខខណ្ឌសម្រាប់ជប៉ុនវិលត្រឡប់មក សហគមន៍អន្តរជាតិវិញ ក្រោយពីសង្គ្រាម។គិតមកទល់សព្វថ្ងៃនេះ កេរដំណែលអាក្រក់ដែលសេសសល់ពីយោធានិយមជប៉ុន នៅមិនទាន់ត្រូវបានលុបចោលទាំងស្រុងនៅឡើយទេ កម្លាំងស្តាំនិយមបដិសេធ និងបំភ្លៃយ៉ាងគឃ្លើននូវប្រវត្តិសាស្រ្ត បំភ្លៃការឈ្លានពាន និងកែសៀវភៅបង្រឿន លើសពីនេះ អ្នកនយោបាយបានទៅគោរពបូជាទីសក្ការៈបូជាយ៉ាងស៊ូគូនី ដោយចំហថែមទៀត។

ទីបញ្ចប់ ការជំនុំជម្រះក្រុងតូក្យូបានបង្ហាញពីសតិសម្បជញ្ញៈ របស់មនុស្សជាតិ និងភាពត្រឹមត្រូវជាប្រវត្តិសាស្រ្ត។ សេចក្តីសន្និដ្ឋានប្រវត្តិសាស្ត្រ ប្រសិទ្ធភាពផ្លូវច្បាប់ និងសណ្តាប់ធ្នាប់អន្តរជាតិក្រោយពីសង្គ្រាមលោកលើកទីពីរ គឺមិនអនុញ្ញាធ្វើឱ្យរង្គោះរង្គើនោះទេ៕

វិទ្យុមិត្តភាពកម្ពុជាចិន