(ប៉េកាំង)៖ ទិន្នន័យផ្លូវការ បានឱ្យដឹងនា ថ្ងៃសៅរ៍ ទី៩ ខែឧសភា ការធ្វេីពាណិជ្ជកម្មរបស់ប្រទេសចិននៅក្នុងខែមេសា បានកើនឡើងជាងការរំពឹងទុក បេីទោះបីជាត្រូវទប់ទល់នឹងសម្ពាធដែលកេីតចេញពីសង្រ្គាមនៅតំបន់មជ្ឈិមបូព៌ា ហេីយផ្ទុយពីការព្យាករណ៍ដែលថាការនាំចេញទៅកាន់សហរដ្ឋអាមេរិក អាចធ្លាក់ចុះ។ នេះបេីយោងតឋមការចេញផ្សាយដោយទីភ្នាក់ងារសារព័ត៌មាន AFP។

អគ្គនាយកដ្ឋានគយ (GAC) របស់ចិននិយាយថា ការនាំចេញពីរោងចក្រផលិតថាមពលបានកើនឡើង ១៤.១ភាគរយក្នុងខែមេសា បើធៀបនឹងខែមេសាឆ្នាំមុន។ កំណើននេះគឺលើសការព្យាកររបស់សារព័ត៌មាន Bloomberg ដែលថាមានត្រឹម ៨.៤ភាគរយ ដោយផ្អែកលើការស្ទង់មតិពីអ្នកសេដ្ឋកិច្ច ហើយក៏ជាការកើនឡើងយ៉ាងខ្លាំងពីអត្រា ២.៥ភាគរយក្នុងខែមីនា។

ក្រុមអ្នកវិភាគនិយាយថា ការផ្គត់ផ្គង់ថាមពលចម្រុះរបស់ប្រទេសចិន បានជួយការពារវាពីការប៉ះទង្គិចភ្លាមៗពីសង្រ្គាម មជ្ឈិមបូព៌ា ទោះជានិន្នាការធ្លាក់ចុះនៃសេដ្ឋកិច្ចពិភពលោក នឹងធ្វើឱ្យតម្រូវការនាំចេញរបស់ខ្លួនចុះខ្សោយក៏ដោយ។ ទន្ទឹមនេះ ការនាំចេញរបស់ចិនទៅកាន់សហរដ្ឋអាមេរិក បានកើនឡើង ១១.៣ភាគរយ ពីមួយឆ្នាំទៅមួយឆ្នាំ នៅក្នុងខែមេសា បន្ទាប់ពីបានធ្លាក់ចុះយ៉ាងខ្លាំងនៅក្នុងខែមីនា៕