(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃអង្គារ ទី១២ ខែឧសភា ឆ្នាំ២០២៦ បាននិយាយថារូបលោកមិនត្រូវការការជួយពីចិន ដើម្បីបិទបញ្ចប់សង្រ្គាមជាមួយអ៉ីរ៉ង់នោះទេ បើទោះជាក្ដីសង្ឃឹមសម្រាប់កិច្ចព្រមព្រៀងសន្តិភាពយូរអង្វែងកំពុងស្ថិតក្នុងភាពមិនច្បាស់លាស់ ហើយអ៉ីរ៉ង់បានរឹតបន្តឹងការគ្រប់គ្រងលើច្រកសមុទ្រ Hormuz។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

ការលើកឡើងបែបនេះរបស់លោក ត្រាំ ធ្វើឡើងមុនពេលត្រូវធ្វើទស្សនកិច្ចទៅកាន់ទីក្រុងប៉េកាំងពីថ្ងៃទី១៣ ដល់ថ្ងៃទី១៥ ខែឧសភា ដើម្បីប្រធានាធិបតីចិន លោក ស៊ី ជីនពីង។ ថ្លែងទៅកាន់ក្រុមអ្នកសារព័ត៌មាន លោក ត្រាំ គូសបញ្ជាក់ដូច្នេះថា «ខ្ញុំមិនគិតនោះទេថាយើងត្រូវការជំនួយណាមួយដើម្បីដោះស្រាយជាមួយអ៉ីរ៉ង់។ យើងនឹងទទួលបានជ័យជម្នះតាមមធ្យោបាយមួយ ឬមធ្យោបាយផ្សេងទៀត ដោយសន្តិវិធី ឬក៏ដោយកម្លាំង»។

គួរបញ្ជាក់ថា រដ្ឋបាលលោក ត្រាំ កាលពីថ្ងៃអង្គារថាក្រុមមន្ត្រីជាន់ខ្ពស់អាមេរិក និងចិនបានឯកភាពគ្នាកាលពីខែមេសាថាគ្មានប្រទេសណាមួយអាចយកថ្លៃសេវា ពីការធ្វើចរាចរឆ្លងកាត់នៅក្នុងតំបន់នោះទេ។ អំឡុងទស្សនកិច្ចនៅប៉េកាំង លោក ត្រាំ គ្រោងនឹងពិភាក្សាពីសង្រ្គាមអ៉ីរ៉ង់ជាមួយលោក ស៊ី ជីនពីង នៅថ្ងៃព្រហស្បតិ៍ និងថ្ងៃសុក្រសប្ដាហ៍នេះ៕