(Reuters)៖ ប្រេងឆៅប្រភេទ Brent មានតម្លៃជាង ១០៦ដុល្លារក្នុងមួយបារ៉ែល រីឯប្រេងឆៅអាមេរិក West Texas Intermediate មានតម្លៃជាង ១០១ដុល្លារក្នុងមួយបារ៉ែល គិតត្រឹមថ្ងៃពុធ ទី១៣ ខែឧសភា ឆ្នាំ២០២៦។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

អត្រាតម្លៃលើសពី ១០០ដុល្លារក្នុងមួយបារ៉ែលនេះ បានកើតមានឡើងចាប់តាំងពីសហរដ្ឋអាមេរិក និងអ៉ីស្រាអែលធ្វើសង្រ្គាមជាមួយអ៉ីរ៉ង់ នាចុងខែកុម្ភៈ ហើយទីក្រុងតេហេរ៉ង់បានបិទច្រកសមុទ្រ Hormuz។

អ្នកវិនិយោគកំពុងចាំមើលការវិវត្តន៍ថ្មី ជុំវិញបទឈប់បាញ់ដ៏ផុយស្រួយក្នុងសង្រ្គាមអ៉ីរ៉ង់ ហើយប្រធានាធិបតីអាមេរិក ដូណាល់ ត្រាំ ធ្វើដំណើរទៅកាន់ប្រទេសចិន សម្រាប់កិច្ចប្រជុំកំពូលដែលមានភាគរយខ្ពស់ ជាមួយប្រធានាធិបតី ស៉ី ជីនពីង។

ចិន គឺជាម៉ូយទិញប្រេងធំបំផុតរបស់អ៉ីរ៉ង់ បើទោះបីជាមានសម្ពាធពីរដ្ឋបាលលោក ត្រាំ។ សង្រ្គាមជាមួយអ៉ីរ៉ង់ ចាប់ផ្តើមជះផលប៉ះពាល់ដល់សេដ្ឋកិច្ចអាមេរិក ដោយសារតម្លៃប្រេងឆៅឡើងខ្ពស់ នាំឱ្យប្រេងឥន្ធនៈកាន់តែថ្លៃ ហើយអ្នកសេដ្ឋកិច្ចព្យាករថា គ្រប់គ្នានឹងបានឃើញផលប៉ះពាល់ជុំទីពីរ នៅប៉ុន្មានខែខាងមុខ៕