(LOS ANGELES)៖ ប្រព័ន្ធផ្សព្វផ្សាយអាមេរិក បានរាយការណ៍ថាយន្ដហោះចម្បាំង ២គ្រឿងបានបុកគ្នានៅលើអាកាស អំឡុងពិធីសម្ដែងការហោះហើរមួយនៅក្នុងរដ្ឋ Idaho កាលពីថ្ងៃអាទិត្យ ទី១៧ ខែឧសភា ឆ្នាំ២០២៦ ប៉ុន្តែពីឡុតបានលោតឆត្រយោងចេញពីយន្ដហោះចម្បាំងដោយសុវត្ថិភាព។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។

សេចក្ដីថ្លែងការណ៍មួយដែលត្រូវបានបង្ហោះលើគេហទំព័រ Gunfighter Skies Air Show បានទទួល

ស្គាល់ថាហេតុការណ៍យន្ដហោះចម្បាំង២គ្រឿងបុកគ្នានៅលើអាកាស បានកើតឡើងនៅឯមូលដ្ឋានទ័ពអាកាស Mountain Home Air Force Base។ សេចក្ដីថ្លែងការណ៍នេះបន្ថែមថាក្រុមអ្នកសង្រ្គោះបន្ទាន់បានទៅដល់កន្លែងកើតហេតុភ្លាមៗ ហើយការបើកស៊ើបអង្កេតមួយកំពុងធ្វើឡើង ខណៈព័ត៌មានលម្អិតបន្ថែមនឹងត្រូវចេញផ្សាយនៅពេលក្រោយ។

តាមប្រព័ន្ធផ្សព្វផ្សាយអាមេរិក ពីឡុតទាំង៤នាក់បានលោតឆត្រយោងចេញពីយន្ដហោះចម្បាំង EA-18 ទាំង២គ្រឿងដោយសុវត្ថិភាព៕