(ហាណូយ)៖ ទិន្នន័យតាមដានចរាចរណ៍ដឹកជញ្ជូន LSEG បង្ហាញថា កប៉ាល់ដឹកប្រេងខ្នាតយក្ស Agios Fanourios I កំពុងធ្វើដំណើរទៅវៀតណាម ដោយដឹកប្រេងឆៅរបស់ខ្លួនចេញពីអ៉ីរ៉ាក់ បន្ទាប់ពីត្រូវឃាត់ទុក ដោយកងទ័ពជើងទឹកអាមេរិកអស់ ៥ថ្ងៃ នៅឯឈូងសមុទ្រអូម៉ង់។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

កប៉ាល់​ដែល​ដោត​ទង់ជាតិ​ម៉ាល់ត៍មួយគ្រឿងនេះ បាន​ចេញ​ពី​ច្រក​សមុទ្រ Hormuz ​កាលពីថ្ងៃទី១០ ខែឧសភា ហើយ​ទៅដល់ឈូងសមុទ្រ​អូម៉ង់​ មុន​ពេល​បត់​ត្រឡប់​ក្រោយ​នៅ​ថ្ងៃទី១១ ខែឧសភា។ Agios Fanourios I បានបន្តដំណើរទៅវៀតណាមនៅថ្ងៃទី១៦ ខែឧសភា ហើយត្រូវបានគេរំពឹងថា នឹងទៅដល់រោងចក្រចម្រាញ់ប្រេង Nghi Son នៅថ្ងៃទី៣០ ខែឧសភា។

តាមទីបញ្ជាការកណ្តាលយោធាអាមេរិក កប៉ាល់នេះត្រូវបានប្រាប់ឱ្យប្តូរទិសដៅ ជាផ្នែកមួយនៃការអនុវត្តការបិទផ្លូវប្រឆាំងនឹងអ៉ីរ៉ង់៕