(វ៉ាសូវី)៖ នាយករដ្ឋមន្រ្តីហុងគ្រីថ្មី លោក Peter Magyar បានចាប់ផ្តើមទស្សនកិច្ចក្រៅប្រទេសលើកដំបូង ទៅកាន់ប៉ូឡូញ ដែលពីមុនមានទំនាក់ទំនងមិនសូវល្អនឹងគ្នា ហើយក៏គ្រោងជួបនាយករដ្ឋមន្រ្តី លោក Donald Tusk ផងដែរ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃអង្គារ ទី១៩ ខែឧសភា ឆ្នាំ២០២៦។

ទំនាក់រវាងទីក្រុងវ៉ាសូវី និងទីក្រុងប៊ុយដាប៉ែស បានប្រែទៅជាអរិភាពទាំងស្រុង នៅពេលដែលលោក Tusk និងអតីតនាយករដ្ឋមន្រ្តីហុងគ្រី លោក Viktor Orban បានប៉ះទង្គិចគ្នាជុំវិញបញ្ហាគាំទ្រអ៊ុយក្រែន និងទំនាក់ទំនងដ៏កក់ក្តៅរវាងហុងគ្រីជាមួយរុស្ស៉ី។

មន្ត្រីរដ្ឋាភិបាលប៉ូឡូញនិយាយថា ដំណើរទស្សនកិច្ចនេះ ត្រូវបានគេមើលឃើញជាចម្បងថា ជាការកំណត់ឡើងវិញជានិមិត្តរូប ក្នុងគោលបំណងបើកការសន្ទនាឡើងវិញលើបញ្ហាអឺរ៉ុប និងអ៊ុយក្រែន។

ទស្សនកិច្ចរបស់លោក Magyar នឹងឆ្លងកាត់ពីទីក្រុង Krakow ភាគខាងត្បូងប៉ូឡូញ ទៅកាន់រដ្ឋធានីវ៉ាសូវី បន្ទាប់មកទៅទីក្រុងកំពង់ផែនៃតំបន់បាល់ទិកគឺ Gdansk។ លោក Magyar នឹងជិះរថភ្លើងល្បឿនលឿន ដែលសាងសង់ឡើងដោយមូនិធិសហភាពអឺរ៉ុប ក្នុងដំណើរទៅរដ្ឋធានីវ៉ាសូវី៕