(តូក្យូ, ជប៉ុន)៖ អគ្គលេខាធិការអង្គការសហប្រជាជាតិ បាននិយាយថា ជំនួបនៃមេដឹកនាំប្រទេសមហាអំណាចធំទាំងពីរ គឺអាមេរិក និងចិនសប្តាហ៍មុន ប្រហែលជាអាចធ្វើឱ្យភាពតានតឹងថយចុះខ្លះ ប៉ុន្តែគ្មានអ្វីសម្រេចបានធំដុំទេ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃពុធ ទី២០ ខែឧសភា ឆ្នាំ២០២៦។

ដំណើរទស្សនកិច្ចរបស់លោក ដូណាល់ ត្រាំ ប្រធានាធិបតីអាមេរិក ទៅកាន់ទីក្រុងប៉េកាំង ជួបប្រធានាធិបតីចិន ស៉ី ជីនពីង មិនសម្រេចបានព្រមព្រៀងបន្តបទឈប់បាញ់ពាណិជ្ជកម្មដ៏ផុយស្រួយ ដែលត្រូវផុតកំណត់នាចុងឆ្នាំនេះនោះទេ ទោះបីជាលោក ត្រាំ បានអញ្ជើញលោក ស៉ី ឱ្យទៅទស្សនកិច្ច នៅទីក្រុងវ៉ាស៉ីនតោន នាថ្ងៃទី២៤ ខែកញ្ញាក៏ដោយ។

លោក Antonio Guterres ប្រាប់សន្និសីទសារព័ត៌មាននៅទីក្រុងតូក្យូ ភាពតានតឹងរវាងប្រទេសទាំងពីរ បានធូរស្រាល ⁠ប៉ុន្តែគ្មានរបកគំហើញធំណាមួយ សម្រេចបានឡើយ ដូច្នេះហើយទស្សនកិច្ចរបស់លោក ស៉ី ទៅកាន់ទីក្រុងវ៉ាស៉ីនតោន គឺពិតជាមានសារៈសំខាន់ខ្លាំងណាស់៕ ⁠