(NUUK)៖ អំឡុងពិធីបើកស្ថានកុងស៊ុលអាមេរិកថ្មី នៅ Greenland​ កាលពីថ្ងៃព្រហស្បតិ៍សប្តាហ៍នេះ មានការតវ៉ាប្រឆាំងទៅនឹងអ្វីដែលគេចាត់ទុកថា ជាការបង្កើនឥទ្ធិពលអាមេរិកកាន់តែខ្លាំង នៅលើកោះក្នុងតំបន់អាទិកមួយនេះ ខណៈដែលមន្រ្តីរដ្ឋាភិបាល នាំគ្នាគេចចេញពីព្រឹត្តិការណ៍នោះ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសុក្រ ទី២២ ខែឧសភា ឆ្នាំ២០២៦។

ការប្តូរពីការិយាល័យឈើតូចមួយ នៅជាយទីក្រុង Nuuk ទៅកាន់ទីប្រជុំជន ហើយធំទូលាយជាងមុន ស្ថានកុងស៊ុលអាមេរិកថ្មី បានក្លាយជាចំណុចវែកញែកមួយទៀត សម្រាប់ពលរដ្ឋ Greenland​ ដែលមិនសប្បាយចិត្តនឹងបំណងប្រាថ្នារបស់ លោក ដូណាល់ ត្រាំ ប្រធានាធិបតីអាមេរិក ក្នុងការគ្រប់គ្រងកោះ ដែលជាដែនដីពាក់កណ្តាលស្វយ័តរបស់ប្រទេសដាណឺម៉ាក។ មនុស្សជាច្រើនបានធ្វើបាតុកម្មនៅខាងក្រៅស្ថានកុងស៊ុល ដោយកាន់ទង់ជាតិពណ៌ក្រហម លាយស របស់ Greenland និងបដាដែលសរសេរថា ឱ្យសហរដ្ឋអាមេរិកបញ្ឈប់ទៅ ខណៈស្រែកថា Greenland គឺជាកម្មសិទ្ធិរបស់ពលរដ្ឋ Greenland។

នាយករដ្ឋមន្ត្រី Greenland លោក Jens-Frederik Nielsen និងអ្នកនយោបាយមួយចំនួនទៀតនិយាយថា ពួកគេបានបដិសេធការអញ្ជើញ ឱ្យចូលរួមពិធីបើកស្ថានកុងស៊ុលថ្មីនេះ។ តាមអ្នក​នាំពាក្យ​ក្រសួង​ការបរទេស​អាមេរិក​​ កន្លែង​ថ្មី​នឹងផ្តល់នូវ​សមត្ថភាព​កាន់​តែ​ខ្លាំង សម្រាប់​ការ​រួមចំណែកផ្នែកការទូត​របស់​សហរដ្ឋ​អាមេរិក​នៅ Greenland៕