(វៀងចន្ទន៍)៖ ប៉ូលិសក្នុងប្រទេសឡាវ បានចាប់ខ្លួនជនឆបោកតាមអនឡាញ (scammers) ៨៨នាក់ ក្នុងប្រតិបត្តិការឆ្មក់ឆែកឆេរទីតាំងប្រព្រឹត្តអំពើឆបោកមួយកន្លែងដែលដំណើរការ ក្រោមរូបភាពជាក្រុមហ៊ុនទូរគមនាគមន៍ ក្នុងភូមិ Thatluang Neua ស្រុក Xaysettha ស្ថិតនៅចំកណ្ដាលរដ្ឋធានីវៀងចន្ទន៍ កាលពីថ្ងៃទី១៩ ខែឧសភា ឆ្នាំ២០២៦។ នេះបើតាមការចេញផ្សាយដោយសារព័ត៌មាន Laotian Times។

តាមប៉ូលិសឡាវ ជនសង្ស័យទាំង៨៨នាក់ ក្នុងនោះមានទាំងជនវៀតណាម ចិន និងមីយ៉ាន់ម៉ា រួមទាំងកូរ៉េខាងត្បូង និងឡាវ។ ក្នុងប្រតិបត្តិការនោះ ប៉ូលិសឡាវបានរឹបអូសទូរស័ព្ទរាប់ពាន់គ្រឿង កុំព្យូទ័រលើតុ១០៣គ្រឿង រថយន្ដ២គ្រឿង និងកុំព្យូទ័រយួរដៃមួយគ្រឿងជាភស្តុតាង។

ចំណែក ការស៊ើបអង្កេតកំពុងបន្តធ្វើឡើង៕