(គីនស្ហាសា)៖ ករណីឆ្លងជំងឺអេបូឡាមួយករណី ត្រូវបានរកឃើញក្នុងខេត្ត South Kivu ភាគខាងកើតសាធារណរដ្ឋប្រជាធិបតេយ្យកុងហ្គោ ហើយនៅចម្ងាយរាប់រយគីឡូ

ម៉ែត្រ ពីចំណុចកណ្តាលនៃការផ្ទុះឡើងដំបូង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសុក្រ ទី២២ ខែឧសភា ឆ្នាំ២០២៦។

សម្ព័ន្ធក្រុមឧទ្ទាម Alliance Fleuve Congo ដែលរួមមានក្រុមឧទ្ទាម M23 ដែលបានដណ្តើមកាន់កាប់ភាគខាងកើតកុងហ្គោ កាលពីឆ្នាំមុន បានឱ្យដឹងថា អ្នកជំងឺអាយុ ២៨ឆ្នាំម្នាក់ នៅខេត្ត South Kivu បានស្លាប់ហើយត្រូវបានកប់ដោយសុវត្ថិភាព។ បុគ្គលនោះបានធ្វើដំណើរពីទីក្រុង Kisangani ភាគខាងជើង។

តាមអ្នកនាំពាក្យសុខាភិបាលខេត្ត South Kivu លោក Claude Bahizire ប្រាប់ Reuters ករណីសង្ស័យចំនួនពីរត្រូវបានរកឃើញក្នុងខេត្តនេះ រួមទាំងករណីស្លាប់ផងដែរ។ អ្នកជំងឺម្នាក់​ទៀត​ ត្រូវបានដាក់ឱ្យធ្វើចត្តាឡីស័ក្តរង់ចាំ​លទ្ធផលតេស្ត។

ការរកឃើញអ្នកឆ្លងជំងឺអេបូឡា នៅតំបន់ជនបទក្បែរទីក្រុង Bukavu នៃខេត្ត South Kivu បង្ហាញពីការរីករាលដាល ដែលក្រុមអ្នកជំនាញជឿថា ក្នុងរយៈពេលប្រហែលពីរខែមកនេះ មានគឺមានតែនៅក្នុងខេត្ត Ituri និងនៅចម្ងាយរាប់រយគីឡូម៉ែត្រឯណោះ។ គិតត្រឹមថ្ងៃព្រហស្បតិ៍ ក្រសួងសុខាភិបាលកុងហ្គោ បានឱ្យដឹងថាជំងឺអេបូឡា បណ្តាលឱ្យមានមនុស្សស្លាប់ចំនួន ១៦០នាក់ ក្នុងចំណោមករណីសង្ស័យ ៦៧០ករណី ចាប់តាំងពីផ្ទុះឡើង៕