វេទិកាកំពូលស្តីពីការកសាងប្រទេសខ្លាំងក្លាផ្នែកវប្បធម៌បើកធ្វើនៅក្រុង Shenzhen លោក Li Shulei អញ្ជើញចូលរួមនិងថ្លែងសុន្ទរកថា
23-05-2026 15:37
(ប៉េកាំង)៖ ថ្ងៃទី២១ ខែឧសភា វេទិកាកំពូលស្តីពីការកសាងប្រទេសខ្លាំងក្លាផ្នែកវប្បធម៌បានបើកធ្វើនៅក្រុងShenzhen។លោកLi Shuleiសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជារដ្ឋមន្ត្រីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិនបានអញ្ជើញចូលរួមនិងថ្លែងសុន្ទរកថា។
ភ្ញៀវចូលរួមវេទិកា បានលើកឡើងថា វិបុលភាពរបស់វប្បធម៌ជានិមិត្តសញ្ញាសំខាន់ នៃការធ្វើទំនើបកម្មតាមបែបផែនចិន។យើងគួរតែរៀនសូត្រនិងអនុវត្តដោយស៊ីជម្រៅនូវគំនិតវប្បធម៌របស់លោកXi Jinpingប្រធានរដ្ឋចិន ពង្រឹងមូលដ្ឋានគ្រឹះវប្បធម៌នៃការកសាងប្រទេសខ្លាំងក្លាផ្នែកវប្បធម៌និងការស្តារភាពរុងរឿងឡើងវិញរបស់ប្រជាជាតិចិន។ យើងគួរតែជំរុញភាពរស់រវើកនៃការអភិវឌ្ឍនិងកំណែទម្រង់វប្បធម៌ដោយផ្តល់ថាមពលតាមរយៈឌីជីថលនិងភាពវៃឆ្លាត ធ្វើឱ្យអក្សរសាស្ត្រនិងសិល្បៈប្រជាប្រិយថ្មីតាមបណ្តាញអ៊ីនធឺណែតមានភាពរុងរឿង បង្កើតប្រព័ន្ធអេកូឡូស៊ីវប្បធម៌យ៉ាងរស់រវើក។ យើងគួរតែអនុវត្តគោលការណ៍ដែលចាត់ទុកការអភិរក្សជាអាទិភាពនិងអន្តរាគមន៍តិចតួចបំផុត បង្កើនការអភិរក្សជាប្រព័ន្ធនៃបេតកភ័ណ្ឌវប្បធម៌។ យើងគួរតែបង្កើនគំនិតដែលធ្វើកិច្ចសន្ទនាជាមួយពិភពលោកតាមរយៈវប្បធម៌ ដើម្បីពង្រីកការផ្លាស់ប្តូរនិងកិច្ចសហប្រតិបត្តិការរវាងប្រជាជននិងប្រជាជនលើផ្ទៃអន្តរជាតិ។
វេទិកាលើកនេះរៀបចំធ្វើដោយ ក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិន និងធ្វើឡើងក្រោមប្រធានបទ “ការបន្តវេនវប្បធម៌និងនុវានវត្តន៍វប្បធម៌”៕
វិទ្យុមិត្តភាពកម្ពុជាចិន
