គោលការណ៍ណែនាំចំនួនបួនសម្រាប់ទំនាក់ទំនងអន្តរជាតិបែបថ្មីបដិសេធការប៉ះទង្គិចគ្នាជាយុទ្ធសាស្ត្រ និងការរំខានដល់សណ្តាប់ធ្នាប់
23-05-2026 15:38
(ប៉េកាំង)៖ នៅថ្ងៃទី ២០ ខែឧសភា ប្រទេសចិន និងរុស្ស៊ីបានចេញសេចក្តីថ្លែងការណ៍រួមស្តីពីការផ្តួចផ្តើមគំនិតជំរុញពិភពលោកពហុប៉ូល និងទំនាក់ទំនងអន្តរជាតិបែបថ្មី ដោយអធិប្បាយជាប្រព័ន្ធអំពីគំនិតផ្តួចផ្តើម ៤ ចំណុចស្តីពីការជំរុញពិភពលោកពហុប៉ូលប្រកបដោយសមភាពនិងសណ្តាប់ធ្នាប់ និងបង្កើតទំនាក់ទំនងអន្តរជាតិបែបថ្មី ដែលបានផ្តល់នូវចម្លើយយ៉ាងជាក់លាក់ចំពោះសំណួរយុគសម័យ ដែលសួរថា "តើទំនាក់ទំនងអន្តរជាតិកំពុងឆ្ពោះទៅណា?"
តាមលទ្ធផលនៃការស្ទង់មតិសកលជាបន្តបន្ទាប់របស់បណ្តាញទូរទស្សន៍ CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិនបានបង្ហាញថា គំនិតនៃការគោរពគ្នាទៅវិញទៅមក ភាពសច្ចយុត្តិធម៌ និងកិច្ចសហប្រតិបត្តិការឈ្នះ-ឈ្នះដែលផ្តួចផ្តើមដោយទំនាក់ទំនងអន្តរជាតិបែបថ្មីនេះ បានក្លាយជាគំនិតឯកភាពរួមជាទូទៅនៃសហគមន៍អន្តរជាតិ។ អ្នកផ្តល់បទសម្ភាសន៍បានប្រឆាំងនឹងការបែងចែកពិភពលោកទៅជាតំបន់និង "រង្វង់តូច" ដែលបង្កការប្រឈមមុខដាក់គ្នាជាក្រុម ដោយសង្កត់ធ្ងន់លើតម្រូវការក្នុងការកសាងសហគមន៍អន្តរជាតិដែលរួមសាមគ្គីគ្នាកាន់តែច្រើន គោរពផលប្រយោជន៍ជាមូលដ្ឋានរវាងគ្នាទៅវិញទៅមក មានស្មើភាពចំពោះគ្នា និងកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមក។
ការស្ទង់មតិនេះបានបង្ហាញថា អ្នកផ្តល់បទសម្ភាសន៍ចំនួន ៨៤ ,១% បានសម្គាល់ឃើញថាការគោរពភាពខុសគ្នានៃមាគ៌ាអភិវឌ្ឍន៍របស់ប្រទេសនានាគឺជាបុរេលក្ខខណ្ឌសម្រាប់កិច្ចសហប្រតិបត្តិការអន្តរជាតិ។ អ្នកផ្តល់បទសម្ភាសន៍ចំនួន ៧៨,៤% បានទទួលស្គាល់ថា ការអភិវឌ្ឍគឺជា «កូនសោរួម» ដើម្បីដោះស្រាយបញ្ហាសកលទាំងអស់ ប្រទេសនានាមានតែប្រកាន់ខ្ជាប់នូវគំនិតនៃការផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះ ព្រមទាំងសម្រេចបាននូវការអភិវឌ្ឍរួមតាមរយៈកិច្ចសហប្រតិបត្តិការបើកទូលាយ ទើបអាចដោះស្រាយបញ្ហាប្រឈមរួមរបស់មនុស្សជាតិប្រកបដោយប្រសិទ្ធភាព៕
វិទ្យុមិត្តភាពកម្ពុជាចិន
