(តៃប៉ិ)៖ តៃវ៉ាន់ បានឱ្យដឹងថាមិនមានការរៀបចំផែនការជាក់លាក់ណាមួយសម្រាប់ជំនួបនៃមេដឹកនាំ លោក Lai Ching-te ជាមួយប្រធានាធិបតីសហរដ្ឋ អាមេរិកនៅឡេីយទេ បេីទោះបីជាលោក ដូណាល់ ត្រាំ បាននិយាយថាលោកអាចនឹងនិយាយជាមួយ លោក​ Lai Ching-te អំពីបញ្ហាកញ្ចប់ថវិការការពារជាតិរបស់តៃវ៉ាន់នៅក្នុងពេលឆាប់ៗក៏ដោយ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសៅរ៍ ទី២៣ ខែឧសភា ឆ្នាំ២០២៦។

លោក ត្រាំ បាននិយាយម្តងទៀតកាលពីថ្ងៃពុធ ថាលោកនឹងនិយាយជាមួយលោក Lai ដោយបដិសេធទៅនឹងការរំពឹងទុកដំបូងដែលថាវាអាចនឹងកេីតឡេីង បន្ទាប់ពីលោកបានជួបប្រធានាធិបតីចិន លោក ស៉ី ជីនពីង។

ប៉ុន្មានថ្ងៃចាប់តាំងពីលោក ត្រាំ និយាយនោះមក ប្រភពតៃវ៉ាន់មួយថាមន្ត្រីមកពីសហរដ្ឋអាមេរិក និងតៃវ៉ាន់បានទាក់ទងគ្នាអំពីលទ្ធភាពក្នុងការហៅទូរស័ព្ទមួយ ប៉ុន្តែប្រភពចំនួន ៤ ថាមិននទាន់មានផែនការច្បាស់លាស់នៅឡើយទេ។ សេតវិមានបានបដិសេធធ្វេីអត្ថាធិប្បាយ៕