(ញូវដែលី)៖ រដ្ឋមន្ត្រីការបរទេសមកពីអូស្ត្រាលី ឥណ្ឌា ជប៉ុន និងសហរដ្ឋអាមេរិក នឹងជួបប្រជុំ នាថ្ងៃអង្គារ ទី២៦ ខែឧសភា ឆ្នាំ២០២៦ នៅទីក្រុងញូវដែលី ក្នុងកិច្ចខិតខំប្រឹងប្រែងដើម្បីប្រមូលផ្តុំថាមពលឡើងវិញ នៅក្នុងក្រុមប្រទេសដែលផ្តោតលើតំបន់ឥណ្ឌូប៉ាស៉ីហ្វិក ដែលគេស្គាល់ថាជា Quad។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

កិច្ចប្រជុំរដ្ឋមន្រ្តីការបរទេសអូស្រ្តាលី លោកស្រី Penny Wong រដ្ឋមន្រ្តីការបរទេសឥណ្ឌា លោក S Jaishankar រដ្ឋមន្រ្តីការបរទេសជប៉ុន លោក Toshimitsu Motegi និងរដ្ឋមន្ត្រីការបរទេសអាមេរិក លោក Marco Rubio នឹងក្លាយជាជំនួបលើកទី៣ ចាប់តាំងពីខែកញ្ញា ឆ្នាំ២០២៤។

ប្រទេសទាំង ៤ រំពឹងថាមានកិច្ចប្រជុំកំពូលក្នុងប្រទេសឥណ្ឌាឆ្នាំមុន ប៉ុន្តែវាមិនបានកើតឡើងឡើយ ដោយនៅពេលនោះមានភាពតានតឹងរវាងលោក ត្រាំ ជាមួយនាយករដ្ឋមន្ត្រីឥណ្ឌា លោក Narendra Modi ជុំវិញកត្តាពន្ធគយរបស់ទីក្រុងវ៉ាស៉ីនតោន និងបញ្ហាផ្សេងៗទៀត។

ប៉ុន្តែសម្រាប់ឆ្នាំនេះ Quad ដែលមានការព្រួយបារម្ភដូចគ្នា អំពីអំណាចដែលកំពុងរះឡើងរបស់ចិន ហើយលោក Rubio ដែលទៅដល់ប្រទេសឥណ្ឌាកាលពីថ្ងៃសៅរ៍ បានសង្កត់ធ្ងន់លើសារៈសំខាន់នៃការរក្សា «ឥណ្ឌូប៉ាស៉ីហ្វិកសេរី និងបើកចំហ»។

នៅក្នុងប្រទេសឥណ្ឌា លោក Rubio បាននិយាយថា «យើងមិនគ្រាន់តែចង់ឱ្យ Quad ក្លាយជាកិច្ចប្រជុំពាក់កណ្តាលប្រចាំឆ្នាំ នៃបណ្តាប្រទេសដែលមានគំនិតដូចគ្នានោះទេ យើងក៏​ចង់​ឱ្យ​វា​ក្លាយ​ជា​វេទិកា​មួយ​ដែល​យើងនឹង​បន្ត​ភាពជា​ដៃគូ​នានាផងដែរ»៕