(ម៉ានីល)៖ ការប្រកាសអាសន្នពីរលកស៊ូណាមិត្រូវបានធ្វើឡើង បន្ទាប់ពីគ្រោះរញ្ជួយដីមួយកម្រិត៧,៨រ៉ិចទ័រ បានវាយប្រហារកៀកនឹងកោះ Mindanao ភាគខាងត្បូងប្រទេសហ្វីលីពីន នាថ្ងៃចន្ទ ទី៨ ខែមិថុនា ឆ្នាំ២០២៦។ នេះបើតាមការចេញផ្សាយដោយ ទីភ្នាក់ងារព័ត៌មាន CNA។

គ្រោះរញ្ជួយដីខាងលើមានជម្រៅ១០គីឡូម៉ែត្រ ដែលជាជម្រៅរាក់មួយ អាចបង្កការខូចខាតធ្ងន់ធ្ងរ។ អាជ្ញាធរនៅភាគខាងត្បូងហ្វីលីពីន បានឱ្យដឹងថា មនុស្សយ៉ាងហោចម្នាក់ បានបាត់បង់ជីវិត និង៤នាក់ផ្សេងទៀតបានរងរបួស ហើយអគារជាច្រើនខ្នងបានរងការបំផ្លិចបំផ្លាញនិង​ដួលរលំ ខណៈប្រតិបត្តិការឆ្លើយបនិងជួយសង្រ្គោះ កំពុងតែប្រព្រឹត្តទៅយ៉ាងសកម្ម។

គួរបញ្ជាក់ថា ការកើតមានឡើងនៃគ្រោះរញ្ជួយដីកម្រិតធ្ងន់ខាងលើនៅហ្វីលីពីន ក៏បានបណ្តាលឱ្យប្រទេសជិតខាង គឺឥណ្ឌូណេស៉ី ក៏ដូចជាជប៉ុន ចេញការព្រមានអំពីរលកស៊ូណាមិផងដែរ ប៉ុន្តែមិនទាន់មានសេចក្តីរាយការណ៍ពីមនុស្សរងគ្រោះថ្នាក់ ឬការខូចខាតនៅប្រទេសទាំង២នោះ នៅឡើយទេ៕