(RENNES)៖ អាសធាតុក្តៅខ្លាំងបំបែកកំណត់ត្រានៅតំបន់អឺរ៉ុប បានធ្វើឱ្យមនុស្សប្រហែល ៦៨ ០០០នាក់ គ្មានអគ្គិសនីប្រើប្រាស់ នៅភាគពាយ័ព្យប្រទេសបារាំង ដោយអាជ្ញាធរនិយាយថា វាជាការដាច់ចរន្តអគ្គិសនីទ្រង់ទ្រាយធំលើកដំបូង ចាប់តាំងពីសីតុណ្ហភាពហក់ឡើងខ្ពស់។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នាថ្ងៃពុធ ទី២៤ ខែមិថុនា ឆ្នាំ២០២៦។

ខេត្ត Finistere ដែលស្ថិតនៅជាប់ឆ្នេរសមុទ្រ បានឱ្យដឹងក្នុងសេចក្តីថ្លែងការណ៍ថា ការដាច់ចរន្តអគ្គិសនីពីបណ្តាញបំប្លែង គឺពាក់ព័ន្ធនឹងបញ្ហាអាកាសធាតុក្តៅ ហើយមិនបណ្តាលឱ្យមានរងរបួសទេ។ វាបានកើតឡើងនៅពេលព្រឹកថ្ងៃអង្គារ (ម៉ោងក្នុង) ក្នុងសង្កាត់ Ergue-Gaberic ក្បែរទីក្រុង Quimper នៃតំបន់ Brittany។

Finistere គឺជាខេត្តមួយក្នុងចំណោមខេត្តចំនួន៥៨របស់បារាំង ដែលស្ថិតក្រោមការជូនដំណឹងកម្រិតពណ៌ក្រហម ដែលជាកម្រិតខ្ពស់បំផុតសម្រាប់កម្តៅខ្លាំង នាថ្ងៃពុធនេះ ជាមួយសីតុណ្ហភាពពី ៣៩អង្សា ដល់ ៤១អង្សា ចាប់ពីទីក្រុងនៃតំបន់ Brittany ទៅដល់ទីក្រុងប៉ារីស៕