ការស្ទង់មតិរបស់បណ្តាញ CGTN៖ ភាពងាយស្រួលប្រើ ជាស្តង់ដារដ៏មធ្យ័តសម្រាប់វាយតម្លៃពីគុណភាពនៃការច្នៃប្រឌិតផ្នែកបច្ចេកវិទ្យា
25-06-2026 17:54
(ប៉េកាំង)៖ តើធ្វើយ៉ាងម៉េច ទើបអាចធ្វើឱ្យសមិទ្ធផលនៃការច្នៃប្រឌិតផ្នែកបច្ចេកវិទ្យា បម្រះខ្លួនចេញពីភាពពេញនិយមតែមួយរយៈពេលខ្លី និងក្លាយទៅជាកម្លាំងផលិតកម្មរយៈពេលយូរ ? វេទិកាដាវ៉ូសរដូវក្តៅដែលកំពុងបើកធ្វើនៅក្រុងដាលៀន ប្រទេសចិនបានផ្តល់ចម្លើយសម្រាប់សំណួរនេះ ពោលគឺ ការច្នៃប្រឌិតថ្មីក្នុងទ្រង់ទ្រាយធំ ។ បណ្តាញទូរទស្សន៍ CGTN របស់អគ្គស្ថានីយវិទ្យុនិងទូរទស្សន៍មជ្ឈិមចិន បានធ្វើការស្ទង់មតិចំពោះអ្នកប្រើប្រាស់បណ្តាញអ៊ីនធឺណិតនៅទូទាំងពិភពលោក ដែលបង្ហាញថា អ្នកផ្តល់បទសម្ភាសន៍ចំនួន ៩៣,៤ភាគរយសម្គាល់ឃើញថា ប្រទេសចិនមានទីផ្សារទ្រង់ទ្រាយធំ និងទិដ្ឋភាពប្រើប្រាស់ច្រើនបែបយ៉ាង ប្រការនេះបានផ្តល់ជាវេទិកាពិសោធន៍ដ៏ធំទូលាយសម្រាប់ការអនុវត្តជាក់ស្តែងនៃការច្នៃប្រឌិតផ្នែកបច្ចេកវិទ្យា ។
ក្នុងការស្ទង់មតិ អ្នកផ្តល់បទសម្ភាសន៍ចំនួន៨៨ភាគរយសម្គាល់ឃើញថា មានតែការអនុវត្តក្នុងទិដ្ឋភាពឧស្សាហកម្មពិតប្រាកដ ទើបបច្ចេកវិទ្យាអាចប្រឈមមុខនឹងបញ្ហាជាក់ស្តែង ដូចជាតម្រូវការទីផ្សារដ៏ស្មុគស្មាញ ការគ្រប់គ្រងដើមទុន និងកិច្ចសម្រួលខ្សែសង្វាក់ផ្គត់ផ្គង់ជាដើម ។
ទាក់ទិននឹងការច្នៃប្រឌិតថ្មីក្នុងទ្រង់ទ្រាយធំលើវិស័យបញ្ញាសិប្បនិម្មិត អ្នកផ្តល់បទសម្ភាសន៍ចំនួន៧៣,៦ភាគរយ សម្គាល់ឃើញថា តើផលិតផលទាំងនេះ មានតម្លៃទាប មានវិសាលភាពធំទូលាយ និងមានប្រសិទ្ធភាពខ្ពស់ឬអត់ក្នុងការប្រើប្រាស់ប្រចាំថ្ងៃ វាគឺជាការធ្វើតេស្តចំពោះតម្លៃនៃសមិទ្ធផលថ្មីនៃការច្នៃប្រឌិតថ្មីផ្នែកបញ្ញាសិប្បនិម្មិត ។ អ្នកផ្តល់បទសម្ភាសន៍ចំនួន ៩៣,២ភាគរយសម្គាល់ឃើញថា ប្រទេសចិនមានប្រព័ន្ធឧស្សាហកម្មកម្មន្តសាលដ៏ពេញលេញ និងសមត្ថភាពវិស្វកម្មដ៏ខ្លាំងក្លា ដូច្នេះ អាចប្រែរបកគំហើញថ្មីខាងបច្ចេកវិទ្យា ឱ្យទៅជាផលិតផល ខ្សែសង្វាក់ផលិតកម្មនិងសមត្ថភាពឧស្សាហកម្មយ៉ាងឆាប់រហ័ស។
ការស្ទង់មតិលើកនេះ ធ្វើឡើងតាមរយៈវេបសាយជាភាសាអង់គ្លេស អេស្ប៉ាញ បារាំង អារ៉ាប់និងរុស្ស៊ីរបស់CGTN ក្នុងរយៈពេល២៤ម៉ោង ក៏មានអ្នកប្រើប្រាស់បណ្តាញអ៊ីនធឺណិតចំនួន៥៩១៣នាក់ បានចូលរួមការបោះឆ្នោត ព្រមទាំងបញ្ចេញមតិផងដែរ៕
វិទ្យុមិត្តភាពកម្ពុជាចិន
