(ប៉េកាំង)៖ ថ្ងៃទី២៥ ខែមិថុនា ខណៈពេលលោក Tarique Rahman នាយករដ្ឋមន្ត្រីបង់ក្លាដែសបំពេញទស្សនកិច្ចផ្លូវការនៅប្រទេសចិន លោក Shen Haixiong អនុរដ្ឋមន្ត្រីនៃក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិន និងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិន និងលោក Zahir Uddin Swapon រដ្ឋមន្ត្រីក្រសួងព័ត៌មាននិងវិទ្យុនៃប្រទេសបង់ក្លាដែស បានចុះហេដ្ឋាលេខាលើ «អនុស្សរណៈនៃការយោគយល់គ្នាស្តីពីកិច្ចសហប្រតិបតិ្តការរវាងអគ្គស្ថានីយវិទ្យុ និងទូរទស្សន៍មជ្ឈិមចិន និងក្រសួងព័ត៌មាននិងវិទ្យុនៃប្រទេសបង់ក្លាដែស» និង«អនុស្សរណៈនៃការយោគយល់គ្នាស្តីពីកិច្ចសហប្រតិបតិ្តការរវាងអគ្គស្ថានីយវិទ្យុនិងទូរទស្សន៍មជ្ឈិមចិន និងស្ថានីយទូរទស្សន៍ជាតិនៃប្រទេសបង់ក្លាដែស» នៅក្រុងប៉េកាំងក្រោមអធិបតីភាពនៃនាយករដ្ឋមន្ត្រីនៃប្រទេសទាំងពីរ។

អគ្គស្ថានីយវិទ្យុនិងទូរទស្សន៍មជ្ឈិមចិនក៏បានចុះហេដ្ឋាលេខាលើឯកសារសហប្រតិបតិ្តការជាមួយស្ថានីយវិទ្យុជាតិបង់ក្លាដែស និងទីភ្នាក់ងារសារព័ត៌មានជាតិបង់ក្លាដែសផងដែរ ។ អនុលោមតាមឯកសារសហប្រតិបតិ្តការ អគ្គស្ថានីយវិទ្យុនិងទូរទស្សន៍មជ្ឈិមចិន នឹងធ្វើកិច្ចសហប្រតិបតិ្តការជាក់ស្តែងជាមួយស្ថាប័នខាងលើរបស់បង់ក្លាដែស ក្នុងវិស័យផលិតកម្មបិធីព័ត៌មាន ការច្នៃប្រឌិតថ្មីផ្នែកបច្ចេកវិទ្យានៃប្រព័ន្ធផ្សព្វផ្សាយ និងការផ្លាស់ប្តូររវាងបុគ្គលិកជំនាញជាដើម ក្នុងន័យរួមចំណែកដើម្បីជំរុញឱ្យទំនាក់ទំនង រវាងចិននិងបង់ក្លាដែសទទួលបានការអភិវឌ្ឍថ្មី៕

វិទ្យុមិត្តភាពកម្ពុជាចិន