(បែរឡាំង)៖ ប្រទេសអាល្លឺម៉ង់ កំពុងប្រឈមមុខនឹងអាកាសធាតុក្តៅខ្លាំង នាថ្ងៃសៅរ៍នេះ ខណៈរលកកម្តៅដែលបណ្តាលឱ្យមានមនុស្សស្លាប់ច្រេីននាក់នៅតំបន់អឺរ៉ុបប៉ែកខាងលិច បានរីករាលដាលទៅប៉ែកខាងកើត បន្ទាប់ពីសីតុណ្ហភាពបំបែកកំណត់ត្រាលើសពី ៤០អង្សាសេ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី២៧ ខែមិថុនា ឆ្នាំ២០២៦។

អ្នកនាំពាក្យទីភ្នាក់ងារឧតុនិយមជាតិអាល្លឺម៉ង់ បានឱ្យដឹងកាលពីថ្ងៃសុក្រ ថាសីតុណ្ហភាពកម្រិតថ្មីមួយនៅអាល្លឺម៉ង់ គឺ ៤១.៤អង្សាសេ ក្នុងទីក្រុង Saarbruecken ជិតព្រំដែនបារាំង។ ទីភ្នាក់ងារនេះបានចេញការព្រមានអំពីកម្តៅខ្លាំងសម្រាប់ស្ទើរតែទាំងអស់នៃប្រទេសនៅថ្ងៃសៅរ៍ ខណៈដែលអាជ្ញាធរជំរុញឱ្យប្រជាជនសន្សំសំចៃទឹក។ សីតុណ្ហភាព ៣៦អង្សាសេត្រូវបានព្យាករណ៍ ទូទាំងប្រទេស​ ជាមួយកម្រិតខ្ពស់ក្នុងតំបន់ខ្លះគឺ ៤២អង្សាសេ។

ចក្រភពអង់គ្លេស បារាំង ស្វ៉ីស អាល្លឺម៉ង់ និងអ៉ីតាលី សុទ្ធតែជួបប្រទះនូវកំណត់ត្រាក្តៅខ្លាំងក្នុងខែមិថុនា ហើយលំនាំអាកាសធាតុបែបនេះនឹងនៅវិលជុំវិញអាល្លឺម៉ង់ឆ្ពោះទៅប៉ូឡូញ។ ក្រុមអ្នកវិទ្យាសាស្តនិយាយថា រលកម្តៅស្ទើរតែមិនអាចកេីតមានទេ ប្រសិនបើគ្មានបម្រែបម្រួលអាកាសធាតុបង្កឡើងដោយមនុស្ស ដែលបានធ្វើឱ្យសីតុណ្ហភាពពេលយប់ក្នុងសប្តាហ៍នេះ ទំនងជាមានកម្រិតច្រេីនជាង ១០០ដងកាលពី២ទសវត្សរ៍មុន៕