(បេរូត)៖ នាថ្ងៃសៅរ៍ ទី២៧ ខែមិថុនា ឆ្នាំ២០២៦ មេដឹកនាំក្រុមហេសបូឡា បានបដិសេធកិច្ចព្រមព្រៀងក្របខណ្ឌមួយរវាងអ៉ីស្រាអែល និងលីបង់ដែលសម្របសម្រួលដោយសហរដ្ឋអាមេរិក មួយថ្ងៃបន្ទាប់ការចុះហត្ថលេខា។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន AFP។

នៅក្នុងសេចក្តីថ្លែងការណ៍ លោក Qassem ចាត់ទុកកិច្ចព្រមព្រៀងក្របខណ្ឌនោះជាមោឃៈ ហើយចោទប្រកាន់រដ្ឋាភិបាលលីបង់ថាបានធ្វើសម្បទានជាឯកតោភាគី និងធ្វើឱ្យខូចអធិបតេយ្យរបស់ប្រទេសលីបង់។

លោក Qassem បានរិះគន់ចំណុចភ្ជាប់ ការដកទ័ពរបស់អ៉ីស្រាអែល ទៅនឹងការរំសាយអាវុធរបស់ហេសបូឡា ដោយនិយាយថាវានឹងធ្វើឱ្យវត្តមានយោធាអ៉ីស្រាអែលក្លាយទៅជាស្របច្បាប់ និងហួសពីបន្ទាត់ក្រហម។ លោកបន្ថែមថា ហេសបូឡានឹងបន្តការតស៊ូប្រដាប់អាវុធរបស់ខ្លួន ហើយមិនចាកចេញទៅណាឡេីយ។

គួរបញ្ជាក់ថា ក្របខណ្ឌដែលបានព្រមព្រៀងគ្នាកាលពីថ្ងៃសុក្រ ផ្តល់នូវការដកអ៉ីស្រាអែលជាដំណាក់កាលចេញពីផ្នែកខ្លះនៃភាគខាងត្បូងលីបង់ រួមជាមួយការដាក់ពង្រាយកងទ័ពលីបង់។ ប៉ុន្តែកងកម្លាំងអ៉ីស្រាអែលនឹងត្រូវបានអនុញ្ញាតឱ្យស្ថិតនៅក្នុងតំបន់ ដែលអ៉ីស្រាអែលហៅថាតំបន់សន្តិសុខនៅលេីទឹកដីលីបង់​ សម្រាប់ពេលនេះដោយរង់ចាំការអនុវត្តបន្ថែមទៀត៕