(សិង្ហបុរី)៖ ទិន្នន័យរបស់រដ្ឋាភិបាលចេញផ្សាយថ្ងៃអង្គារ ទី៣០ មិថុនា ឆ្នាំ២០២៦ បានឱ្យដឹងថា ក្នុងឆ្នាំ២០២៥ ពលរដ្ឋសិង្ហបុរី ដែលមានអាយុក្រោម ៤០ឆ្នាំកាន់តែច្រើន មិនធ្លាប់រៀបអាពាហ៍ពិពាហ៍ ដែលមិនដូចកាលពីឆ្នាំ២០២០ទេ ខណៈការមិនរៀបអាពាហ៍ពិពាហ៍ បានកើនឡើងយ៉ាងខ្លាំង ក្នុងចំណោមអ្នកមានអាយុចាប់ពី២៥ឆ្នាំ ទៅ ៣៤ឆ្នាំ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន CNA។

ការរកឃើញនេះ បានមកពីការស្ទង់មតិស្តីពីស្ថានភាពគ្រួសារនៃក្រសួងស្ថិតិសិង្ហបុរី ដែលជាការស្ទង់មតិថ្នាក់ជាតិរបស់ប្រទេស ដែលធ្វើឡើងក្នុងពេលធ្វើជំរឿនប្រជាជនម្តង ក្នុងរយៈពេល ១០ឆ្នាំ។ ក្នុងចំណោមស្រ្តី អាយុពី ២៥ឆ្នាំ ទៅ ២៩ឆ្នាំ ដែលមិនធ្លាប់រៀបការ បានកើនឡើងពីអត្រា ៦៩ភាគរយ ក្នុងឆ្នាំ២០២០ ដល់ ៧៣,៤ភាគរយក្នុងឆ្នាំ២០២៥។ បុរសអាយុត្រឹម ៤០ឆ្នាំ ដែលនៅលីវ គឺមានចំនួនច្រើនជាងអ្នកដែលទទួលបានការអប់រំទាប។ ស្ត្រីដែលមានកម្រិតវប្បធម៌ខ្ពស់ ក្នុងក្រុមអាយុ ៤០ឆ្នាំដល់ ៤៩ឆ្នាំ និងក្រុមអាយុ ៣០ឆ្នាំ ដល់ ៣៩ឆ្នាំ មានទំនោរចង់នៅលីវច្រើន។

គួរបញ្ជាក់ថា គិតត្រឹមឆ្នាំ២០២៥ ប្រជាជនសិង្ហបុរីមានចំនួន ៤,២០លាននាក់៕