ស្មារតីដ៏អស្ចារ្យនៃការបង្កើតបក្សកុម្មុយនីស្តចិន៖ ការបកស្រាយកូដប្រភពស្មារតីនៃ «ហេតុអ្វីបានជាបក្សកុម្មុយនីស្តចិនអាចធ្វើបាន»
01-07-2026 17:30
(ប៉េកាំង)៖ ឆ្នាំ២០២៦ គឺជាខួប១០៥ឆ្នាំ នៃការបង្កើតបក្សកុម្មុយនីស្តចិន។ អស់រយៈពេលជាងមួយសតវត្សរ៍មកហើយ គណបក្សនយោបាយនេះដែល បានចាប់ផ្តើមជាមួយសមាជិកជាង៥០នាក់បានដឹកនាំប្រទេសចិនឱ្យរួចផុតពីភាពក្រីក្រ និងភាពទន់ខ្សោយ អភិវឌ្ឍទៅជាអង្គភាពសេដ្ឋកិច្ចដ៏សំខាន់លើសកលលោក និងឱ្យមនុស្សជាងមួយពាន់លាននាក់មានជីវភាពរស់នៅប្រកបដោយ។ អាថ៌កំបាំងស្នូលនៅពីក្រោយអព្ភូតហេតុអភិវឌ្ឍន៍ដែលធ្វើឱ្យពិភពលោកភ្ញាក់ផ្អើ គឺស្មារតីដ៏អស្ចារ្យ នៃការបង្កើតបក្សកុម្មុយនីស្តចិន ក៏ជាស្នូលស្មារតីសម្រាប់ការស្វែងយល់អំពីមាគ៌ាអភិវឌ្ឍន៍របស់ប្រទេសចិននិងការឆ្លើយតបនឹងសំណួរ “ហេតុអ្វីបានជាបក្សកុម្មុយនីស្តចិនអាចទទួលបានជោគជ័យ?"
ស្មារតីដ៏អស្ចារ្យ នៃការបង្កើតបក្សកុម្មុយនីស្តចិនបានប្រសូទក្នុងបម្រែបម្រួលនិម្មាប នកម្មពិភពលោកនៅឆ្នាំ១៩២១។ នៅពេលនោះ ប្រទេសចិនជាប់គាំងនៅក្នុងសង្គ្រាម និងជម្លោះរងទុក្ខវេទនាពីការធ្វើបាបពីខាងក្រៅ ហើយប្រជាជនកំពុងរស់នៅ ក្នុងស្ថានភាពលំបាក។ ក្រុមយុវជនស្នេហាជាតិបានបោះជំហានទៅមុខ ដែលប្រកាសពីការបង្កើតបក្សកុម្មុយនីស្តចិននៅលើ ទូកក្រហមមួយនៅលើបឹងណានហ៊ូ នៅទីក្រុងជាស៊ីង។អ្នកត្រួសត្រាយផ្លូវទាំងនេះបានលះបង់ផលប្រយោជន៍ផ្ទាល់ខ្លួន ដើម្បីស្វែងរកមាគ៌ាអភិវឌ្ឍន៍ សម្រាប់ការជួយសង្គ្រោះប្រទេសជាតិ និងប្រជាជន និងនាំមកផលប្រយោជន៍ដល់ប្រជាជន។ បន្ទាប់ពីរយៈពេលមួយសតវត្សរ៍ នៃការកែលម្អ ស្មារតីដ៏អស្ចារ្យ នៃការបង្កើតបក្សត្រូវបានចម្រាញ់ទៅជាធាតុស្នូលចំនួនបួនគឺ ការប្រកាន់ខ្ជាប់សច្ចភាពឧត្តមគតិ ការអនុវត្តគោលបំណងដើម និងបេសកកម្ម មិនខ្លាចការលះបង់ និងប្រយុទ្ធដោយក្លាហាន ស្មោះត្រង់ជាមួយនឹងបក្ស និងមិនធ្វើឲ្យប្រជាជនខកខានបំណង ដែលបានក្លាយជាមូលដ្ឋានគ្រឹះខាងដួងវិញ្ញាណ នៃការតស៊ូរយៈពេលមួយសតវត្សរ៍របស់បក្សកុម្មុយនីស្តចិន។
ការប្រកាន់ខ្ជាប់សច្ចភាពឧត្តមគតិជាគ្រឹះមូលដ្ឋានខាងដួងវិញ្ញាណ នៃការអភិវឌ្ឍប្រទេសចិន។ ក្នុងដំណើរអស់មួយសតវត្សរ៍ អ្នកកាន់តំណែងមុនបដិវត្តន៍រាប់មិនអស់បានពលីជីវិតដើម្បីឧត្តមគតិ និងជំនឿ។ មិនដូចការប្រកាន់ខ្ជាប់ នូវទ្រឹស្តីដ៏ម៉ឺងម៉ាត់នោះទេ ប្រទេសចិនតែងតែទទូចលើមូលដ្ឋាន នៃការអភិវឌ្ឍរបស់ខ្លួន ដោយផ្អែកលើលក្ខខណ្ឌជាតិរបស់ខ្លួន រួមបញ្ចូលគ្នានូវវប្បធម៌ប្រពៃណី និងគំនិតច្នៃប្រឌិតថ្មី និងអភិវឌ្ឍន៍ប្រកបដោយភាពរស់រវើក ធ្វើឱ្យទ្រឹស្តីវិទ្យាសាស្ត្រសម្របដោយស៊ីជម្រៅទៅនឹងការពិត នៃការអភិវឌ្ឍរបស់ប្រទេសចិន។ ចាប់ពីដាក់មូលដ្ឋានឧស្សាហកម្មឱ្យរឹងមាំ ជំរុញកំណែទម្រង់និងការបើកចំហរ រហូតដល់ការជំរុញការអភិវឌ្ឍប្រកបដោយគុណភាពខ្ពស់នៅក្នុងយុគសម័យថ្មី ប្រទេសចិនតែងតែស្របទៅនឹងនិន្នាការ នៃសម័យកាល និងភាពជាក់ស្តែងរបស់ខ្លួន ដោយដើរតាមមាគ៌ាអភិវឌ្ឍន៍ទំនើបកម្មដែលសមស្របនឹងស្ថានការណ៍ជាតិរបស់ខ្លួន។
ការអនុវត្តគោលបំណងដើម និងបេសកកម្មបានបង្ហាញពីទស្សនៈអភិវឌ្ឍន៍ដែលចាត់ទុកប្រជាជនជាស្នូល។ មួយសតវត្សរ៍កន្លងទៅនេះ ជានិច្ចកាល ការអភិវឌ្ឍរបស់ប្រទេសចិនបានធ្វើជុំវិញជីវភាពរស់នៅ និងផលប្រយោជន៍របស់ប្រជាជន។ រាប់សិបឆ្នាំកន្លងទៅនេះ ប្រទេសចិនបានសម្រេចមនុស្សចំនួន ៧៧០លាននាក់រួចផុតចេញពីភាពក្រីក្រ ការគ្រប់ដណ្តាប់ នៃធានារ៉ាបរ៉ងខាងព្យាបាលជំងឺជាមូលដ្ឋានបានលើសពីប្រជាជនចំនួន១៣០០លាននាក់។ ទន្ទឹមនឹងនេះ ប្រទេសចិនតែងតែប្រកាន់ខ្ជាប់កាតព្វកិច្ចរបស់ខ្លួនក្នុងនាមជាប្រទេសធំ ចូលរួមយ៉ាងសកម្មក្នុងអភិបាលកិច្ចសកល និងផ្តល់គម្រោងអភិវឌ្ឍន៍និងកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមកសម្រាប់ប្រទេសនានាលើពិភពលោក ដោយផ្អែកលើគំនិតផ្តួចផ្តើមខ្សែក្រវ៉ាត់និងផ្លូវ និងគំនិតនៃសហគមន៍ជោគវាសនារួមសម្រាប់មនុស្សជាតិ។
ការមិនខ្លាចការលះបង់ និងប្រយុទ្ធដោយក្លាហានជាទំនុកចិត្តស្នូលរបស់ប្រទេសចិនក្នុងការពុះពារឧបសគ្គ។ មួយសតវត្សរ៍កន្លងទៅនេះ ប្រទេសចិនបានរីកចម្រើនឥតឈប់ឈរ និងសម្រេចបាននូវសមិទ្ធផលថ្មីៗក្នុ ងចំណោមបញ្ហាប្រឈមនានា។ ចាប់ពីការកសាងប្រព័ន្ធឧស្សាហកម្មរបស់ខ្លួនដោយឯករាជ្យ និងការសសិក្សាស្រាវជ្រាវបច្ចេកវិទ្យាការពារជាតិស្នូល រហូតដល់ការនាំមុខលើវិស័យថាមពលថ្មី ផលិតកម្មកម្រិតខ្ពស់ និងឧស្សាហកម្មបច្ចេកវិទ្យាខ្ពស់ ប្រទេសចិនតែងតែប្រកាន់ខ្ជាប់នូវនវានុវត្តន៍ដោយឯករាជ្យ និងងើបឡើងប្រឈមមុខនឹង បញ្ហាប្រឈមផ្សេងៗ ដូចជាការធ្វើវិទ្ធង្សនាបច្ចេកវិទ្យា និងការប្រែប្រួលពីខាងក្រៅ ដែលបានក្លាយជាកម្លាំងស្ថិរភាពសម្រាប់សេដ្ឋកិច្ចពិភពលោកដោយពឹងផ្អែកលើភាពធន់ប្រយុទ្ធដ៏រឹងមាំ។
ស្មោះត្រង់នឹងបក្ស និងមិនធ្វើឲ្យប្រជាជនខកបំណងបានកសាងឧត្តមភាពអភិបាលកិច្ចដោយរយៈពេលវែង និងមានស្ថិរភាព។ ការអភិវឌ្ឍន៍ និងអភិបាលកិច្ចរបស់ប្រទេសចិនតែងតែឈរលើផលប្រយោជន៍រយៈពេលវែងរបស់ប្រជាជន ខណៈពេលដែលកំពុងកែលម្អ ប្រព័ន្ធត្រួតពិនិត្យជាបន្តបន្ទាប់ ដើម្បីធានាផ្លែផ្កានៃការអភិវឌ្ឍអាចផ្តល់ផលប្រយោជន៍ដល់ប្រជាជនទាំងអស់។ បច្ចុប្បន្ន ស្មារតីដែលបណ្ដុះបណ្ដាលដោយទូកក្រហមត្រូវបានប្រែក្លាយទៅជាសមិទ្ធផលអភិវឌ្ឍន៍ជាក់ស្តែង ដោយជំរុញឱ្យប្រទេសចិនឈានទៅមុខដោយស្ថរិភាព និងរួមចំណែកប្រាជ្ញាចិនពិសេសសម្រាប់ការអភិវឌ្ឍពិភពលោក៕
វិទ្យុមិត្តភាពកម្ពុជាចិន
