(បាងកក)៖ ប្រព័ន្ធអន្តោប្រវេសន៍របស់ប្រទេសថៃ កំពុងស្ថិតក្រោមការត្រួតពិនិត្យយ៉ាងម៉ត់ចត់ ខណៈដែលអាជ្ញាធរបេីកការស៉េីបអង្កេតលេីបណ្តាញឈ្មួញកណ្តាល ដែលត្រូវបានចោទប្រកាន់ថាបានគិតថ្លៃពីជនបរទេសរហូតដល់ ១២ ០០០បាត សម្រាប់ការចូលប្រទេសថៃដោយមានការធានា ស្របពេលចំនួនអ្នកដំណើរដែលត្រូវបានបដិសេធក្នុងឆ្នាំនេះ កេីនលើស ១៣ ០០០នាក់។ នេះបេីយោងតាមស្ថានទូតចិនប្រចាំប្រទេសថៃ។

ស្ថានទូតចិនប្រចាំប្រទេសថៃ បានចេញការព្រមានបន្ទាន់ដល់ពលរដ្ឋដែលធ្វើដំណើរទៅកាន់ប្រទេសថៃ អំពីការឆបោកក្រោមរូបភាពធានាដោយគយថៃ បន្ទាប់ពីការស៉េីបបអង្កេតរបស់ថៃទៅលើការអះអាងតាមអនឡាញ ពាក់ព័ន្ធការធានាឱ្យចូលក្នុងប្រទេសថៃដោយរត់ការផ្ទៃក្នុង។

ឈ្មួូញកណ្តាល ត្រូវបានគេរាយការណ៍ថាបានផ្សព្វផ្សាយព័ត៌មានមិនពិតថាមានបណ្តាញរត់ការផ្ទៃក្នុង ដោយមិនតម្រូវសំណួរសួរ និងអាចឱ្យអ្នកធ្វើដំណើរចូលក្នុងប្រទេសថៃបាន តែត្រូវបង់សេវាថ្លៃច្រេីន។ការស៉េីបអង្កេតរកឃេីញថា​ ឈ្មួញកណ្តាលបានគិតថ្លៃចន្លោះពី ៤ ៥០០បាត ទៅ ១២ ០០០បាត ដែលខ្ពស់ជាងអត្រាមុនៗដល់ទៅ ១០ដង អាស្រ័យលើប្រភេទទិដ្ឋាការ និងហានិភ័យ។ ការដំឡើងថ្លៃសេវារបស់ក្រុមឈ្មួញកណ្តាល បានកើតឡើងបន្ទាប់ពីការត្រួតពិនិត្យអន្តោប្រវេសន៍កាន់តែតឹងរ៉ឹងដែលត្រូវបានដាក់ចេញនៅឆ្នាំ២០២៥ សំដៅទប់ស្កាត់ក្រុមចោរប្លន់ពីការផ្លាស់ប្តូរទីតាំងប្រតិបត្តិការទៅកាន់ប្រទេសថៃ។

ចាប់តាំងពីខែមករា ឆ្នាំ២០២៦ អាជ្ញាធរថៃបានបដិសេធជនបរទេសចំនួន ១៣ ២២៩នាក់។ ការបង្ក្រាបនេះផ្តោតលើអ្នកធ្វើដំណើរដែលរត់កា រធ្វេីទិដ្ឋាការមានលក្ខណៈគួរឱ្យសង្ស័យ មានទំនាក់ទំនងជាមួយឧក្រិដ្ឋកម្មឆ្លងដែន ឬអ្នកដែលមានហានិភ័យនៃការត្រូវបានល្បួងឱ្យទៅកាន់ប្រទេសផ្សេង។

ស្ថានទូតចិនបានសង្កត់ធ្ងន់ថា មិនមានបណ្តាញធានាដោយគយថៃ តម្រូវឱ្យបង់ប្រាក់ស្របច្បាប់នោះទេ ហើយបានព្រមានអ្នកធ្វើដំណើរកុំឱ្យបង់ថ្លៃសេវាដល់បុគ្គល ឬអង្គការណាដែលផ្តល់ការសន្យាថានឹងចូលប្រទេសថៃដោយមានការធានា។ សម្រាប់អ្នកដែលមានឯកសារត្រឹមត្រូវ និងគោលបំណងធ្វើដំណើរច្បាស់លាស់ នឹងមិនជួបប្រទះបញ្ហាអ្វីនៅកន្លែងធ្វើអន្តោប្រវេសន៍ឡើយ៕