(Reuters)៖ តម្លៃប្រេងឆៅ នាថ្ងៃចន្ទ ទី៦ ខែកក្កដា ឆ្នាំ២០២៦ បានធ្លាក់ចុះទាប បន្ទាប់ពីអង្គការ OPEC+ យល់ព្រមបង្កើនការផលិតប្រេង ចាប់ពីខែសីហា ខណៈដែលការនាំចេញពីប្រទេសផលិតសំខាន់ៗ តាមច្រកសមុទ្រ Hormuz ក៏កំពុងងើបឡើងវិញ ដែលអាចបន្ថែមទៅលើការផ្គត់ផ្គង់សកល។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

គិតត្រឹមព្រឹកថ្ងៃចន្ទ ប្រេងឆៅប្រភេទ Brent មានតម្លៃ ៧១,៨៨ដុល្លារក្នុងមួយបារ៉ែល រីឯប្រេងឆៅអាមេរិក West Texas Intermediate មានតម្លៃ ៦៨,៥៨ដុល្លារក្នុងមួយបារ៉ែល។ បើប្រៀបធៀបនឹងសប្តាហ៍មុន តម្លៃប្រេងទាំង ២ប្រភេទនេះ មានការប្រែប្រួលតិចតួច តាមនិន្នាការធ្លាក់ចុះក្នុងរយៈពេលប៉ុន្មានសប្តាហ៍កន្លងមក។

វិនិយោគិន បានតាមដានយ៉ាងដិតដល់លើកិច្ចចរចារវាងសហរដ្ឋអាមេរិក និងអ៉ីរ៉ង់ ដែលនឹងកំណត់ជោគវាសនានៃការដឹកជញ្ជូន តាមច្រកសមុទ្រ Hormuz ខណៈកំពុងតាមដានការងើបឡើងវិញនៃលំហូរប្រេងចេញពីតំបន់ឈូងសមុទ្រ។ កាលពីថ្ងៃអាទិត្យ អង្គការ​នៃ​ប្រទេស​នាំចេញ​ប្រេង និង​សម្ព័ន្ធមិត្ត​របស់​ពួកគេ រួមទាំង​រុស្ស៉ី បាន​ឯកភាព​គ្នា​បង្កើន​​ទិន្នផល​ប្រេង ១៨៨ ០០០បារ៉ែល​ក្នុង​មួយថ្ងៃ​ ចាប់ពី​ខែសីហា​តទៅ បន្ថែម​លើ​ការកើនឡើង​ស្រដៀងគ្នា​សម្រាប់​ខែមិថុនា និង​ខែកក្កដា​៕