(ហ្សាការតា)៖ នាយករដ្ឋមន្រ្តីឥណ្ឌា លោក Narendra Modi ត្រូវជួបប្រធានាធិបតីឥណ្ឌូណេស៉ី លោក Prabowo Subianto នាថ្ងៃអង្គារ ទី៧ ខែកក្កដា ឆ្នាំ២០២៦ ខណៈមេដឹកនាំនៃប្រទេសមានប្រជាជនច្រើនទាំងពីរនេះ ស្វែងរកការសម្រេចកិច្ចព្រមព្រៀង រាប់ចាប់ពីវិស័យការពារជាតិ​ដល់សន្តិសុខស្បៀង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

លោក Modi ដែលទៅកាន់ឥណ្ឌូណេស៉ីលើកដំបូង ចាប់តាំងពីឆ្នាំ២០២៣ នឹងទស្សនាទីក្រុង Yogyakarta និងរដ្ឋធានី Jakarta។ អំឡុងពេលស្នាក់នៅក្នុងទីក្រុង Yogyakarta កាលពីថ្ងៃចន្ទ លោក Modi បានទស្សនាប្រាសាទ Prambanan ដែលជាប្រាសាទហិណ្ឌូដ៏ធំបំផុតរបស់ឥណ្ឌូណេស៉ី និងជាតំបន់បេតិកភណ្ឌពិភពលោកនៃអង្គការ UNESCO។

ឯកអគ្គរដ្ឋទូតឥណ្ឌាប្រចាំឥណ្ឌូណេស៉ី បានឱ្យដឹងថា មេដឹកនាំទាំងពីរ គ្រោងប្រកាសពីការចាប់ផ្តើមការងារជួសជុលតំបន់បេតិកភណ្ឌនេះ ហើយរំពឹងថានឹងសម្រេចកិច្ចព្រមព្រៀងមួយចំនួន ពាក់ព័ន្ធមីស៉ីល BrahMos ដែលផលិតរួមគ្នារវាងឥណ្ឌា និងរុស្ស៉ី។ ការពិភាក្សាផ្នែកការពារជាតិ ក៏នឹងគ្របដណ្តប់លើការល្បាតដែនសមុទ្រ និងចោរសមុទ្រផងដែរ។

ក្រោយបញ្ចប់ទស្សនកិច្ចនៅឥណ្ឌូណេស៉ី លោក Modi នឹងបន្តដំណើរទៅកាន់ប្រទេសអូស្រ្តាលី និងនូវែលសេឡង់៕