(ដាម៉ាស)៖ សន្តិសុខម្នាក់បាននិយាយថា មានគ្រាប់បែកផ្ទុះនៅក្បែរសណ្ឋាគារដែលប្រធានាធិបតីបារាំង លោក Emmanuel Macron កំពុងស្នាក់ នៅក្នុងប្រទេសស៉ីរី នាថ្ងៃអង្គារនេះ ប៉ុន្តែលោក Macron មិនបានឮសំឡេងផ្ទុះទេ ហើយបើតាមវិមាន Elysee លោក Macron បានជួបប្រធានាធិបតីស៉ីរី Ahmed al-Sharaa មិនយូរប៉ុន្មានក្រោយមក។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃអង្គារ ទី៧ ខែកក្កដា ឆ្នាំ២០២៦។

សាក្សីម្នាក់របស់ Reuters បានឮសំឡេងផ្ទុះ និងឃើញផ្សែងហុយឡើង។ ផ្លូវថ្នល់ត្រូវបានបិទ ហើយវិធានការសន្តិសុខត្រូវបានអនុវត្ត។ វិមាន​ Elysee បានឱ្យដឹងថា សំឡេងផ្ទុះមិនអាចស្តាប់ឮ ពីក្នុងក្បួនរថយន្តប្រធានាធិបតីទេ ហើយអ្នកកាសែត Reuters ម្នាក់ ដែលនៅជាមួយក្រុមសារព័ត៌មា នដែលអមដំណើរលោកម៉ាក្រុង ក៏មិនបានឮសំឡេងផ្ទុះ ឬឃើញភាពចលាចលណាមួយដែរ។

ក្រោយមក ទូរទស្សន៍រដ្ឋបានរាយការណ៍ថា លោក Macron និងលោក Sharaa បានជួបគ្នានៅឯវិមានប្រធានាធិបតីស៉ីរី។ វិមានប្រធានាធិបតីបារាំង ក៏បានបញ្ជាក់ដែរថា លោក Macron មានសុវត្ថិភាព ហើយកំពុងបន្តដំណើរទស្សនកិច្ចជាធម្មតា។

គួរបញ្ជាក់ថា ទស្សនកិច្ចរបស់លោក Macron សបញ្ជាក់ឱ្យឃើញពីភាពប្រែប្រួលខាងភូមិសាស្ត្រនយោបាយស៉ីរី ក្រោមការដឹកនាំរបស់លោក Sharaa ដែលជាអតីតមេបញ្ជាការក្រុមអាល់កៃដា និងដែលបានបង្កើតទំនាក់ទំនងជិតស្និទ្ធ ជាមួយមហាអំណាចលោកខាងលិច និងមជ្ឈិមបូព៌ា៕