(ប៉េកាំង)៖ នៅថ្ងៃទី ៦ ខែកក្កដា លោក Xi Jinping ប្រធានរដ្ឋចិនបានផ្ញើសារអបអរសាទរជូនចំពោះលោកស្រី Keiko Fujimori ដែលត្រូវបានជ្រើសតាំងជាប្រធានាធិបតីនៃសាធារណរដ្ឋប៉េរូ។

លោក Xi Jinping បានលើកឡើងថា ប្រទេសចិន និងប្រទេសប៉េរូ គឺជាដៃគូយុទ្ធសាស្ត្រគ្រប់ជ្រុងជ្រោយ ហើយទំនាក់ទំនងនៃប្រទេសទាំងពីរបានរក្សាសន្ទុះអភិវឌ្ឍន៍ដ៏ល្អប្រសើរ។ ការផ្លាស់ប្តូរជាន់ខ្ពស់រវាងភាគីទាំងពីរ មានភាពញឹកញាប់ កិច្ចសហប្រតិបត្តិការជាក់ស្តែងលើគ្រប់វិស័យ ទទួលបានលទ្ធផលជាផ្លែផ្កាយ៉ាងច្រើន ហើយមិត្តភាពរវាងប្រជាជន នៃប្រទេសទាំងពីរបានចាក់ឫសយ៉ាងជ្រៅ នៅក្នុងដួងចិត្តរបស់ប្រជាជន។ ឆ្នាំនេះគឺជាខួបលើកទី ៥៥ នៃការបង្កើតទំនាក់ទំនងការទូតរវាងប្រទេសចិន និងប្រទេសប៉េរូ។ ខ្ញុំយកចិត្តទុកដាក់ខ្ពស់ចំពោះការអភិវឌ្ឍទំនាក់ទំនងចិន-ប៉េរូ ហើយមានឆន្ទៈធ្វើការជាមួយលោកស្រីប្រធានាធិបតី ដើម្បីបន្តវេនចំណងមិត្តភាពប្រពៃណីរវាងប្រទេសទាំងពីរ ជំរុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងចិន-ប៉េរូឱ្យឡើងដល់កម្រិតកាន់តែខ្ពស់ជាបន្តបន្ទាប់ សំដៅផ្តល់ផលប្រយោជន៍កាន់តែច្រើនដល់ប្រជាជននៃប្រទេសទាំងពីរ។

នៅថ្ងៃដដែលនោះ លោក Han Zheng អនុប្រធានរដ្ឋចិន ក៏បានផ្ញើសារអបអរសាទរជូនចំពោះលោក Giuseppe Galareta ដែលត្រូវបានជ្រើសតាំងជាអនុប្រធានាធិបតីទីមួយនៃប្រទេសប៉េរូ៕

វិទ្យុមិត្តភាពកម្ពុជាចិន