(ហ្ស៊េរុយសាឡិម)៖ ក្រុមចម្រុះនៃរដ្ឋាភិបាលរបស់នាយករដ្ឋមន្ត្រអ៉ីស្រាអែល លោក Benjamin Netanyahu បានឱ្យដឹងថាអ៉ីស្រាអែលគ្រោងនឹងរៀបចំការបោះឆ្នោតសកលនៅថ្ងៃទី២៧ ខែតុលា ឆ្នាំ២០២៦ ដែលនេះនឹងក្លាយជាការរៀបចំការបោះថ្នាក់ជាតិលើកដំបូងបំផុតចាប់តាំងពីការវាយប្រហាររបស់ក្រុមហាម៉ាសកាលពីឆ្នាំ២០២៣ និងសង្គ្រាមឆាបឆេះនៅហ្កាហ្សា លីបង់ និងអ៉ីរ៉ង់។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

ជាច្រើនសប្ដាហ៍មកហើយ ការបញ្ជាក់ពីកាលបរិច្ឆេទលម្អិតមិនត្រូវបានបញ្ជាក់ឱ្យច្បាស់ឡើយ ចាប់តាំងពីសភាអ៉ីស្រាអែលត្រូវបានប្រកាសរំលាយកាលពីខែឧសភាកន្លងទៅ។ យ៉ាងណាក៏ដោយ ប្រមុខក្រុមចម្រុះអ៉ីស្រាអែល លោក Ofir Katz បានប្រាប់គណៈកម្មាធិការមួយនៃសភាអ៉ីស្រាអែលកាលពីថ្ងៃអាទិត្យ ទី១២ ខែកក្កដា ឆ្នាំ២០២៦ ថាការបោះឆ្នោត នឹងប្រព្រឹត្តទៅតាមកាលបរិច្ឆេទដែលត្រូវបានកំណត់គឺនៅថ្ងៃទី២៧ ខែតុលា។

គួរបញ្ជាក់ថា ការស្ទង់មតិជាច្រើនបានបង្ហាញថាក្រុមចម្រុះរបស់លោក Netanyahu នឹងបរាជ័យក្នុងការបោះឆ្នោតសកល បើទោះជាគណបក្សប្រឆាំងជាគូប្រជែងនៅតែមិនទាន់មាន ជំហានច្បាស់លាស់ឆ្ពោះទៅរកការកាន់អំណាចក៏ដោយ៕