(តេហេរ៉ង់)៖ អ៉ីរ៉ង់បានថ្កោលទោសការវាយប្រហារលើកចុងក្រោយរបស់សហរដ្ឋអាមេរិកលើទឹកដីរបស់ខ្លួន ដោយនិយាយថាការវាយប្រហារទាំងនោះបានធ្វើឱ្យកិច្ចប្រឹងប្រែងការទូតទាំងឡាយ ក្នុងពេលប៉ុន្មានខែថ្មីៗនេះប្រែទៅជាឥតប្រយោជន៍។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។

ការថ្កោលទោសរបស់អ៉ី

រ៉ង់ធ្វើឡើងក្នុងសេចក្ដីថ្លែងការណ៍មួយចេញផ្សាយភ្លាមៗ នៅបន្ទាប់ពីយោធាអាមេរិកប្រកាសបើកការវាយប្រហារជាថ្មីប្រឆាំងនឹងអ៉ីរ៉ង់កាលពីថ្ងៃទី១២ ខែកក្កដា ឆ្នាំ២០២៦ ដែលសហរដ្ឋអាមេរិកអះអាងថាមានគោលដៅវាយបំបាក់សមត្ថភាពរបស់ តេហេរ៉ង់កុំឱ្យបន្តបើកការវាយប្រហារលើកប៉ាល់ដឹកទំនិញក្នុងតំបន់ច្រកសមុទ្រ Hormuz។

សេចក្ដីថ្លែងការណ៍របស់ក្រសួងការបរទេសអ៉ីរ៉ង់បានចាត់ទុកថាការវាយប្រហារធ្វើឡើងដោយសហរដ្ឋអាមេរិកជាទង្វើឃោរឃៅ និងជាការរំលោភបំពានលើគោលការណ៍ជាមូលដ្ឋាននៃធម្មនុញ្ញអង្គការសហប្រជាជាតិ ព្រមទាំងគំរាមកំហែងយ៉ាងធ្ងន់ធ្ងរដល់សន្តិភាព និងសន្តិសុខអន្តរជាតិទាំងមូល។ ជាពិសេសបានធ្វើឱ្យកិច្ចប្រឹងប្រែងការទូតទាំងឡាយនាពេលប៉ុន្មានខែមកនេះប្រែទៅជាឥតប្រយោជន៍។

គួរបញ្ជាក់ថា ការវាយប្រហារលើកចុងក្រោយបំផុតរបស់សហរដ្ឋអាមេរិកប្រឆាំងនឹងអ៉ីរ៉ង់កាលពីថ្ងៃទី១២ ខែកក្កដា ធ្វើឡើងតាមបញ្ជាពីប្រធានាធិបតីអាមេរិក លោក ដូណាល់ ត្រាំ ជាការឆ្លើយតបទៅនឹងការវាយប្រហាររបស់អ៉ីរ៉ង់លើកប៉ាល់ដឹកទំនិញក្នុងតំបន់ច្រកសមុទ្រ Hormuz៕