(អាម៉ាន់)៖ នាថ្ងៃចន្ទ ទី១៣ ខែកក្កដា ឆ្នាំ២០២៦​ យោធានៃប្រទេសហ៊្សកដានី បាននិយាយថា ខ្លួនបានបាញ់ទម្លាក់មីស៉ីលអ៉ីរ៉ង់ ៤គ្រាប់ ខណៈទីក្រុងតេហេរ៉ង់ថាវាគឺជាចេតនាសងសឹក ទៅនឹងការវាយប្រហាររបស់សហរដ្ឋអាមេរិក។ នេះបើយោងតាមការចេញផ្សាយដោយទីភ្នាក់ងារព័ត៌មាន AFP។

តាមប្រភពផ្លូវការមួយពីអគ្គសេនាធិការហ្ស៊កដានី នាព្រឹកព្រលឹមថ្ងៃនេះ ប្រព័ន្ធការពារដែនអាកាស បានស្ទាក់ចាប់ និងបាញ់ទម្លាក់មីស៉ីល ៤គ្រាប់ ដែលបាញ់ចេញពីអ៉ីរ៉ង់ ហោះចូលដែនអាកាសហ្ស៊កដានី ដោយបន្ថែមថា មិនមានរបាយការណ៍អំពីអ្នករងរបួស ឬខូចខាតទ្រព្យសម្បត្តិនោះទេ។

រីឯកងកម្លាំងឆ្មាំបដិវត្តន៍អ៉ីរ៉ង់ នៅថ្ងៃចន្ទនេះ បានអះអាងពីការវាយប្រហារលើប្រទេសបារ៉ែន និងអូម៉ង់ ដោយបំផ្លាញប្រព័ន្ធរ៉ាដានៅអូម៉ង់ និងកំណត់គោលដៅលើមូលដ្ឋានយោធាអាមេរិក នៅជាយទីក្រុង Manama ភាគខាងត្បូងប្រទេសបារ៉ែន។

សេចក្តីថ្លែងការណ៍មួយទៀតពីកងកម្លាំងឆ្មាំបដិវត្តន៍អ៉ីរ៉ង់ ចុះផ្សាយដោយសារព័ត៌មាន Sepah បានឱ្យដឹងថា បន្ថែមលើការកំណត់គោលដៅលើទីតាំង និងហេដ្ឋារចនាសម្ព័ន្ធយោធាអាមេរិក ក្នុងទីក្រុង Juffair ប្រទេសបារ៉ែន កងទ័ពជើងទឹកនៃកងឆ្មាំបដិវត្តន៍ ក៏បានកំណត់គោលដៅ និងបំផ្លាញរ៉ាដា FPS រយៈចម្ងាយឆ្ងាយ និងរ៉ាដាចាប់សញ្ញាកប៉ាល់របស់អូម៉ង់ផងដែរ៕