(ហាណូយ)៖ ប៉ូលិសបានឱ្យដឹងថា អ្នកបើកទូកល្បឿនលឿន ហើយក្រឡាប់លិចនៅកោះ Phu Quoc ភាគខាងត្បូងប្រទេសវៀតណាម បណ្តាលឱ្យអ្នកទេសចរជនជាតិឥណ្ឌា ១៥នាក់ស្លាប់ ត្រូវបានបញ្ជូនទៅឃុំខ្លួន កាលពីថ្ងៃអាទិត្យ ទី១២ ខែកក្កដា ឆ្នាំ២០២៦។ នេះបើយោងតាមការចេញផ្សាយដោយទីភ្នាក់ងារព័ត៌មាន AFP។

កាលពីថ្ងៃសៅរ៍ចុងសប្តាហ៍កន្លងទៅ ទូកដឹកភ្ញៀវទេសចរឥណ្ឌា ៣២នាក់ សមាជិកបម្រើការលើទូក ជាជនជាតិវៀតណាម ៣នាក់ និងមគ្គុទ្ទេសក៍ទេសចរណ៍ម្នាក់ បានក្រឡាប់ក្នុងសមុទ្រ ពេលកំពុងមានរលកខ្លាំង នៅម្តុំកូនកោះ Rut Ngoai។ ស្ថិតនៅភាគខាងត្បូងនៃកោះ Phu Quoc ដ៏ធំបំផុតរបស់វៀតណាម កូនកោះ Rut Ngoai ត្រូវបានគេស្គាល់ដោយសារទឹកសមុទ្រពណ៌ខៀវស្រងាត់ ឆ្នេរខ្សាច់សក្បុស និងថ្មប៉ប្រះទឹកដែលអាចចូលទៅដល់បានយ៉ាងងាយស្រួល។ អ្នកទេសចរច្រើនតែទៅដល់កោះតូចនោះ និងកោះដទៃទៀតនៅក្បែរនោះ តាមទូកល្បឿនលឿន។

ប៉ូលិសខេត្ត An Giang និយាយថា អ្នកបើកទូក ជាបុរសអាយុ ៥៧ឆ្នាំ ត្រូវចាប់ខ្លួនសម្រាប់ការបំពានច្បាប់។ តាម​ប្រព័ន្ធ​ផ្សព្វផ្សាយ​រដ្ឋ​ ក្រុមហ៊ុន​ទេសចរណ៍​ជាច្រើន​ បាន​ផ្អាក​សេវាកម្ម​ទូក​ល្បឿន​លឿន​របស់​ពួកគេ​ ទៅកាន់​កោះ​តូចៗ ​បន្ទាប់ពីកើតឧប្បតិ្តហេតុ​​លិចទូកខាងលើ​៕