(ហុងកុង)៖ ក្រុមអ្នកស្រាវជ្រាវនៅឯសាកលវិទ្យាល័យហុងកុង (University of Hong Kong) បានអភិវឌ្ឍស្រ្ពាយ ឬថ្នាំបាញ់ច្រមុះដំបូងគេបង្អស់របស់ពិភពលោកដែលបញ្ជូនម្សៅព្យាបាលសរសៃប្រសាទ ដោយផ្ទាល់ចូលទៅកាន់ខួរក្បាលជាការសង្រ្គោះបឋមសម្រាប់អ្នកជំងឺដាច់សរសៃឈាមខួរក្បាល។ នេះបើតាមការចុះផ្សាយដោយសារព័ត៌មាន South China Morning Post កាលពីខែមិថុនា ឆ្នាំ២០២៦។

ស្រ្ពាយ ឬថ្នាំបាញ់ច្រមុះខាងលើមានឈ្មោះថា NanoPowder ត្រូវបានផលិតឡើងដើម្បីកាត់បន្ថយការខូចខាត ឬរបួសខួរក្បាលធ្ងន់ធ្ងរបានច្រើនជាង ៨០ភាគរយ ហើយឱ្យអត្រារស់រានមានជីវិតពីជំងឺដាច់សសៃឈាមខួរក្បាល កាន់តែល្អប្រសើរឡើង។ តាមក្រុមអ្នកសា្រវជ្រាវហុងកុង ក្រុមគ្រូពេទ្យខាងសង្រ្គោះបន្ទាន់នឹងត្រូវបានអនុញ្ញាតឱ្យប្រើប្រាស់ស្រា្ពយ NanoPowder សម្រាប់ការព្យាបាលដល់អ្នកជំងឺដាច់សសៃឈាមខួរក្បាលជាការសង្រ្គោះបឋម ហើយក្រោយមកទើបពង្រីកការប្រើប្រាស់ទៅដល់ក្រុមមនុស្សមានហានិភ័យខ្ពស់នៅតាមមណ្ឌលថែទាំងមនុស្សចាស់ និងរហូតដល់សាធារណៈជនទូទៅតាមរយៈឱសថស្ថាន។

NanoPowder ត្រូវបានអភិវឌ្ឍឡើងដោយមហាវិទ្យាល័យឱសថសាស្ត្រ Li Ka Shing និងមជ្ឈមណ្ឌល Advanced Biomedical Instrumentation Centre នៃសាកលវិទ្យាល័យហុងកុង។ ស្រ្ពាយ NanoPowder ត្រូវបានរំពឹងថានឹងឆ្លងកាត់ការធ្វើតេស្តលើមនុស្សនៅឆ្នាំ២០៣០៕